|
ياليتها بالحب ماصارحتــــنى
السلام عليكم ورحمة الله وبركاته
مما راق لى
هاجـوس قلبـي بالظلـوع اسنحتـنـي=
داجت ولاجـت وافضحـت كـل ماكـان
عافـت عيونـي نومـهـا وسهرتـنـي=
امسي بجوعي واقضـي الليـل سهـران
صـدى المشاعـر داخلـي جاوبتـنـي=
وانهـج قفلـه وانفتـح عشـر بيبـان
حاولـت ابمنـع دمعتـي وافضحتـنـي=
باحـت خفايـا ضامـري مـثـل ودان
بغيـت انـا انكـر حباهـا وحرجتـنـي=
ونهـر ت قـدام الحقيـقـه ومـاكـان
ولـي ونـت بيـن الظلـوع احرقتنـي=
وسـط الضمايـر ولعـت مثـل نيـران
لــو انـهـا بالـحـب ماكلمـتـنـي=
ميـر الرسايـل بينـت كــل عـنـون
قبلـك صـواديـف الليـلـي سبتـنـي=
والجرح نقضتـه وعقـب الخفـاء بـان
قبلـك سـهـوم ايامـهـا وسمتـنـي=
وعقبك غديـت امخـرق مثـل نيشـان
وهموم قلبـي عقـب ذيـك اصرمتنـي=
صرم المـزارع ياحلـو حمـل بستـان
غيـرك كثـيـر اشـكـال ماحركتـنـي=
ولا انـت هزيـت المشاعـر والاركـان
نفـس المشاعـر والـغـلا بادلتـنـي=
تشبه كما وضحى عقـب ولـد عجـلان
جميـع حاجـة وان وطتكـم وطتـنـي=
بالـك تظـن انـي ابراحـه وطـربـان
بالحـب ياهـل الـحـب ماجاملتـنـي=
معـي اعترافـه واضـح والغـلا بـان
امـنـع دمــوع غالـيـه عذبتـنـي=
دمعـك عزيـز ولوشربـه الثـرى زان
عطفـك وطيبـك والهـروج اجذبتـنـي=
حتى بنيـت ابضامـري قصـر دسمـان
ياليتـهـا بـالـحـب ماصارحـتـنـي=
ولاسرابـي هاجسـي قلـت غلـطـان
ياليتهـا بـيـن الشـكـوك اتركتـنـي=
اخيـر مـن قطعـت شكوكـي ابثبتـان
وياليتـهـا بـالـحـب ماذكـرتـنـي=
عهد مضى لي بيـن لوعـات واحـزان
باهـي وصوفـك والـحـلا ماغبتـنـي=
الزيـن خذتـه بيـن خــال وعـمـان
وشلـون لوهـي يـاعـرب قابلتـنـي=
وشلـون لوكـنـا قـرابـه وجـيـران
وشلـون لوهـي مـن ثمـان سقتنـي=
وشلون لوهـو عايـش ابنجـد سكـان
هـذا وهـي فالبعـد كيـف اودعتـنـي=
اشبه كما طيـران تحـت حكـم بـزران
قعـدة مـده كلمـتـه عــو قلتـنـي=
مهمـوم عاجـز تايـه الفكـر حيـران
حاولـت اخفـف وقعـهـا ومزعتـنـي=
معهـا تحـرك كـل عـرق وشـريـان
حتـى بمجلـس لابـتـي زاحمتـنـي=
ولك صورتن تعرض على العين بالـوان
رسايلـه يـاولـد ابــوي ابهتتـنـي=
الحـال يابنـدر مــن أيــام تعـبـان
اربــع ليـالـي حاجـتـن كاتمتـنـي=
ماشفتنـي لـي مـدة أيــام قلـقـان
ماكنـت يـمـه واللـيـال اجمعتـنـي=
معها وصرنا مـن وراء الوقـت خـلان
حبيتـهـا حــب ومثـلـه عطتـنـي=
حـب شريفـاً مرجـح كــل مـيـزان
افـرح الـى مـن الرسـايـل لفتـنـي=
فرحة غريـب شـاف ربعهـا ولاوطـان
الحـب صــدف وليـالـي رمتـنـي=
في بحرهـا واصبحـت فلقـاع غرقـان
عـزالله الــي بالـغـرام اذبحتـنـي=
هدت قـواي الراسخـه نجـل الاعيـان
ياليـتـهـا بـالـحـب ماذكـرتـنـي=
عهد مضالـي بيـن لوعـات واحـزان
الحـب بلـوا والـظـروف اشبكتـنـي=
جيت اتخلص ميـر ماحـرزت ياخـوان
بغيـت ابـيـح والعـهـود اوقفتـنـي=
طبيعتـي مانـيـب بـايـق وخــوان
وعقـب الصراحـة بالـوداع اطعنتنـي=
طعنت صويبـاً صايبـه رمـح راكـان
بغيـت وصلـه والظـروف امنعتـنـي=
اربـع ظـروف وضحـة دون نقصـان
مابغى اجـرح الـي بالغـرام اصدقتنـي=
من خصني بالحب عـن غيـري انسـان
ولابغى احـرج الـي ساعـة حسستنـي=
ن لي بقلبه عـن جميـع العـرب شـان
يابنـت لـوهـي بالـهـوا مانحتـنـي=
لجزم علـى حبـك ولـو كـان ماكـان
ظروفـي الــي تعرفـيـن ابعدتـنـي=
وحاولت اوقف رغبتـي قـدر الامكـان
والله لاشيل الحمـل مـن فـوق متنـي=
وعسـا الولـع يمحـاه ربـي بنسـيـا
يابنـت ابصبـر لـو هروجـك برتنـي=
فبغـى العلاقـه بينـا ربـع واخــوان
هـذي معـانـي قصـتـن تابعتـنـي=
وارجو السموحه وان حصل بعض نقصان
هـذي معـانـي قصـتـن لوعتـنـي=
خيـل يليعهـا جـري ولــد هـمـلان
هـذي معـانـي قصـتـن مرعبتـنـي=
مثل الذي ناشـه علـى السائـق ثعبـان
وياليتـاهـا بالـحـب ماصرحـتـنـي=
ولا طرالـي هاجسـاً قـلـت غلـطـان
وسلامتكم
__________________
لو طاحت نفوس الرياجيل مـا أطيـح=علّـيـت نفـسـي للـعـلا واعتـلـت بــي
لكـن .. لــي مـبـدأ مـعـزه وتصفـيـح=أبــوي سمـانـي بـهـا وأستـمـت بـــي
أقــدر ظـــروف الـوجـيـه المفـالـيـح=وأبقـا علـى هقواتهـا اللـي هقـت بـي
أذخـر فواعيـس الرجـال الطحاطيـح=اللـي أليـا مــن جيتـهـا رحـبـت بــي
قولـة هـلا وأقلـط علـى هبـة الـريـح=ثروة غنى فيهـا أغتنـي وأغتنـت بـي
مـاهـو كـــلام ملاعـبـيـن المسـابـيـح=الـلـي نـمـوذج كتبـهـم غـيــر كـتـبـي
ملقـحـيـن مـنـمّــق الــهــرج تـلـقـيـح=يامـا حكـت عنـدي ويامـا حكـت بـي
عـيـال رعـيـان الـحـلال الـسـواريـح=لو حصلّت ضحك ٍعلّي اضحكت بي
والـصـبـر زيـــن وللغـنـايـم مفـاتـيـح=وأكحـل عيـون ٍٍ بالحسـد تلتفـت بــي
|
25-10-2010, 01:31 PM
العرض العادي
