مصافحه اولى !

[مشاري العريفي]

ابيك تنساني مع الوقت بسكات
ولا تروع روعة الصمت بالصوت
خلك تعيش ايام معنى معانات
ولا الشموخ يعيش لحظه بلا قوت
ياموجعن صدر الشقي بالتنهات
بلل اكمومك يمكن الدمع تابوت
مادام يجمعنا الهوى بس بشتات
لازم يفرقنا الحيا خشية الفوت
ترى حقيقة هالزمن تطلب انصات
عين العقل ما تلمح الشين ويفوت
عفت الزعل لانه بداية نهايات
وعفت الفرح لاصار وهمي وموقوت
البارحه والعاطفه نورها بات
اناقش التفكير في ضو مخفوت
ليه العنا مادام نلقى عنايات
قال العذر يبهت اذا جاك منحوت
وليه الجهل مايسكن الا فراغات
قال الفراغ اصبح على هيئة بيوت
وليه الوسايل صارت اليوم غايات
قال القناعه اصبحت شي مكبوت
ياصاحبي لا خيم الصمت بالذات
اذبح ضحايا بالحشا تلبس بشوت
وشب الفرح عل وعسى يا بدايات
تركد همومك من قبل زلة الموت
وخل الحياه تعيش في دار الاموات
يمكن تبدل ظلمة الوقت بليوت
والحين وادعني ووادعك بسكات
وبالك تروع روعة الصمت بالصوت ..