مجاراة ماضي العظيمان لـناصر بن ثويني

مـحـسـن · #1 13-04-2011, 12:52 AM

السلام عليكم ورحمة الله وبركاته

مساء/صباح الخير للجميع

شخباركم ,, ؟

هذي قصيده الشاعر / ناصر بن ثويني لشعار المملكه ومجارات الشاعر / ماضي العضيمان لها ..

ناصر بن ثويني :-

وش عادكم فيه ياشعار من تالي=اخص بالذكر شعار السعوديه

لو انها ملحمه وقفت بلحالي=نيابة عن روابطنا الخليجيه

لكنها حسب مايطري على بالي=تمجيد تاريخ باصواتن جماعيه

من لاحدا القاف في عبدالله الغالي=لا عاد يقصد ولا نسمع بطاريه

يعيش صقر العروبه مزبن الجالي=غصبن على خشم طهران وملاليه

/

وقد جارها شاعر كان متواجد في الساحه والتزم سنة النبي نسأل الله له الثبات ، ولم يشارك الا
بعدما شدته قصيدة ناصر بن ثويني فشكرا لناصر الذي حرك مشاعره التي طالما افتقدناها

مجارات الشاعر / ماضي العظيمان :-

صوتٍ سمعته عريق ومنطقه عالي=طرحهً خليجي ,, ونبراته عروبيه
ما استوقف الركب عند الداله السالي=ولا تعزوى بفـزعـــات الهواوية
وما غازله بالصدى حزبي ولبـرالي=ولا فرح به ولا شيعـي وشيعيه
صوتٍ ينادي حمـاة الدين الابطالي=وتجـاوبه غيـرة الدين الحقيقية
يا ناصر الوضع صعب بوقتنا الحـالي=يحتاج قومة من الشعــار سـنية
ما تستمد امرها من روس جــهالي=احـداث الاسنان والدعوات بدعية
وترفض مبادي (رفـاق البعث) الانـذالي=واتباع ( ماركس ) واذناب الشيوعية
ماتلفت انظـارها صـورة وتـمثالي=ولا تـبـاكت على ثـورات قـومـية
وتمج ريق الدمقراطيه البالي=اللي يسمونها الجهال حرية
وتشوم عن مظهرٍ مايشرح البالي=فوضى وغوغا مع اصوات نشازيه
بالكذب يظهـر علينا كل دجـالي=يضفي على بــاطله لمســــات دينية
قامت قنواتهم بالشر تـنهالي=ترتيب غـربي, وتهويشات شرقية
ما عندنا شك في شينين الازوالي=أفـراخ (ماسون) من رحم اليهودية
الشرع شرع الاله الخالق الوالي=ياللي تـدور من المخلوق شرعية
حـرية الشرع ماهي قيد واغلالي=لا منّك أخلصت لله العبـوديـة
الا العبودية النجـسة والاذلالي=لا صـرت لبليس رشاشه وجنديه
يا احفاد قوم وفوا في كل الاحوالي=لهـم على الدين وقفـــاتٍ بطولة
تجهـزوا للخطر رجلي وخيالي=واخوان نورة هم القادات في الهية
تكبيـركم (للعدو) نكبة وزلــزالي=وتوحيدكم للولي ذخيرةٍ حيـة
ذودوا عن السنة بالانفس والاموالي=الشــرع لا تنتقض منكم عـراويه

وسلامتكم ,,

تقبلوا تحياتي اخوكم / محسن

.