إعصار وجداني

[محمد ضرمان الشولاني]

صبحكم ومساكم الله بالخير جمعا

لي صاحبن لا غاب عنّي تلهّفت=لهفت غريرن ضاع صدرن يزمّه
زوله حليف العين لا من تشوّفت=طيفه يلاحقني وعيني تضمّه
يستاهل الغالي لشوقي لو اسرفت=شوقن مهو باليد زينه يجمّه
انسى معه نفسي وغيره انا عفت=زينه ينسّي ناضره رضعة أمّه
أنا على عهدن قطعته ولا اخلفت=ما دام يجري داخل العرق دمّه
دامه على عهده ودامي له اسلفت=ودام الجفا مرفوض كيفه وكَمّه
وما همني لدَّ المقفّي لمن شفت =دمع الحسايف مغرق الشوق كُمّه
من عافني عفته ولسياده اشرفت=ويكون بالماضي وهمّه يطمّه
واللي لقربي شاريّن لجله احتفت=سور المهالك واستمع عزف فمّه
وما همني سود الليالي ولا خفت=وطي الجرايف دون دابه وسمّه
معه تحوم اشعور والفكر به نفت=حزم المعاني والمشاعر تلمّه
ارهقني التفكير بالشوق واشعفت=إعصار وجداني وشعري ينمّه

وسلامتكم،،،

[العــــديم]

وما همني سود الليالـي ولا خفـت
وطي الجرايـف دون دابـه وسمّـه
معه تحوم اشعور والفكر به نفـت
حـزم المعـانـي والمشـاعـر تلـمّـه

ياسلااام

صح لساانك يالذيب ..
جزله من جزل

[الاصيله]

صح لساانك وعلى شاانك

لاهنت ودمت على القصيده الجزله

تحيااتي لك

[سلطان ال شريد]

شوقـن مهـو بالـيـد زيـنـه يجـمّـه
انسى معه نفسي وغيره انا عفت
زينـه ينسّـي ناضـره رضعـة أمّـه
أنا على عهدن قطعته ولا اخلفـت
مـا دام يجـري داخـل العـرق دمّـه
دامه على عهده ودامي له اسلفت
ودام الجفـا مرفـوض كيفـه وكَمّـه
وما همني لدَّ المقفّـي لمـن شفـت
دمع الحسايف مغرق الشوق كُمّـه
من عافني عفته ولسياده اشرفت
ويكـون بالمـاضـي وهـمّـه يطـمّـه
واللي لقربي شاريّن لجله احتفـت
سور المهالك واستمع عزف فمّـه
وما همني سود الليالـي ولا خفـت
وطي الجرايـف دون دابـه وسمّـه
معه تحوم اشعور والفكر به نفـت
حـزم المعـانـي والمشـاعـر تلـمّـه
ارهقني التفكير بالشوق واشعفت
إعصـار وجدانـي وشعـري ينـمّـه
..

ابـو رآإكـآإن ..

لله درك .. قنبله ابدآإع يآلأمير ..

صصصح لسسآإنك يـآإبو رآكآن ..

انا بالنسبه لي اعتبرك مدرسه ششعر ..

لآهنت واكررر صح لسسآإنك مليون ولا يكفون

[الريــ اللعوب ــم]

وما همني لدَّ المقفّـي لمـن شفـت
دمع الحسايف مغرق الشوق كُمّـه

من عافني عفته ولسياده اشرفت
ويكـون بالمـاضـي وهـمّـه يطـمّـه


الله الله عليك
صح الله لساااااااااااااانك
لااااهنت لاااهنت عليهااا
جاااازتلي
وووووبس كذاا..

الريــ اللعووووووووووووووب ــم

[عبرة وداع]

صح لسانك على المصافحه الجزله

شاعر متمكن وحس مبدع

طاب بوحك وسلم لنا احساسك وفكرك

وفقك الرحمن لخير الدارين

سلمت ودمت

[محمد ضرمان الشولاني]

ارحب يالعديم ارحب

صح بدنك يالذيب ولا هنت طال عمرك على المرور الكريم

وتشرف بك المتصفح يالغالي

فلك شكري وتقديري

[محمد ضرمان الشولاني]

الأخت الفاضلة الأصيلة

صح بدنك ولا هنتي على المرور الكريم

والإشادة الوافية

فلك شكري وتقديري

[الـعـابـر]

صح لسانك ولاهنت

[محمد ضرمان الشولاني]

الأخ العزيز والشاعر الجزل

سلطان بن شريد

أرحب يالذيب أرحب

صح بدنك يالغالي ودام وجودك الراقي ومرورك الجزل

أشكرك جزيل الشكر ولك مني باقة من التحايا