كم لي وانـا مـا نمـت مـن دون تفكيـر..

الفريض · #1 27-07-2011, 01:12 AM

كم لي وانـا مـا نمـت مـن دون تفكيـر
فـ/ الرايح من العمر .. وجروح الأحباب ؟!**

شايف وساكـت ، وآتمنّـى ولا يصيـر ..
حتى رميت الحلـم مـن روس الاهـداب !

لا ردتـه كفّـي ، ولايـقـدر يطـيـر..
طاح .. ومشت فوقـه تباريـح وعتـاب!

واقفيت مثل اللي مواعد لـه بـ/خيـر..
كل يوم يسأل ساعي الوقـت وش جـاب ؟!

شباب ، وآفراحـه بـ/كـفّ المقاديـر..
من كثر ما علّق عليه االأمـل..شـاب !!**

من يوم خـان الصبـح ..قلـب النواويـر
وانا فـ/ وجه الحلـم..قفّلـت الأبـواب!

ما عاد باقـي سـرّ ، ويضمّـه البيـر..
من يوم صار الصدر ..صفحة من كتـاب!

كل من عبر قـرأ وقلّبـه، مـن غيـر ..
لا يقطع الصفحـه، ولا يجيـر مرتـاب !

ولاّ النـدم باقـي علـى حالتـه ..مـيـر
ما عاد به أصبع نـدم.. يجرحـه نـاب !**

حزني ظهر في وجه حرفي وانا صغيـر ..
وشابت مفارق جملتي .. ما بعـد غـاب !**

بين إني اسجـن فيـه، او منّـه آطيـر ..
يا فرحة الشامت .. ويا حزن الأصحـاب !

ما اذكر سوىصدقي مع الناس.. تقصير ..
من يومطاب العيش فـ/ عيـون كـذاب !

لكن على الله .. والحكـي فـ/ المدابيـر ..
علقـم ، ولكنّـه علـى شفاهـنـا ذاب!

الناس لو تقـدر مـن همومهـا تطيـر ..
كان امتلى صدر السمـاوات بـ/ اسـراب !

خالد بن نفل · #2 27-07-2011, 11:23 AM

حزني ظهر في وجه حرفي وانا صغيـر ..
وشابت مفارق جملتي .. ما بعـد غـاب !**
اختيار عذب
وصح لسانك ولسان شاعرها
ولاهنت على النقل

الفريض · #3 27-07-2011, 02:44 PM

اقتباس:

المشاركة الأصلية كتبت بواسطة خالد بن نفل

حزني ظهر في وجه حرفي وانا صغيـر ..
وشابت مفارق جملتي .. ما بعـد غـاب !**
اختيار عذب
وصح لسانك ولسان شاعرها
ولاهنت على النقل

صح بدنك

ومن قال ما يهون

والاعذب مرورك العطر

تحياتي،،

العــــديم · #4 27-07-2011, 02:24 PM

الناس لو تقـدر مـن همومهـا تطيـر ..
كان امتلى صدر السمـاوات بـ/ اسـراب !

صح لسان شاعرها
ولاهنت ع النقل

الفريض · #5 27-07-2011, 02:48 PM

اقتباس:

المشاركة الأصلية كتبت بواسطة العـديم

الناس لو تقـدر مـن همومهـا تطيـر ..
كان امتلى صدر السمـاوات بـ/ اسـراب !

صح لسان شاعرها
ولاهنت ع النقل