موت الوفا

[الرحال]

موت الوفا

لو يبور الملأ ما أحسب حبيبي يبور

وأحسب اني أموت ... ولايموت الوفا

وأحسب انه على هاك المودة ... غيور

ما احسب ان الشعاع .. اللي بقلبه طفا

كيف يانور عينى ... وانت للعين نور

يختفي نور وصلك في ظلام ... الجفا

اثر قلبك على فرقا الولايف جسور

واثر ... طرفك اليا سهرت عيوني غفا

وين هاك الونين ... اللي يشق الصدور

وين هاك الدموع ... اللي تشق الصفا

كل حي ٍ اليادارت لياليه ...يدور

كل قلب اليا ... عفت جروحه عفا

ويل قلب توالت فوق جروحه كسور

كل جرح الهوي ... ياصاحبي ماكفا

التمس لك عذر ... لو كان ما أنت معذور

وان جحدت الموده بان لك ماخفا

وسلامتكم

اخوكم الرحال

[قبلةالعجمان]

صح لسااانك ....

[الرحال]

صح بدنك ياقبلة العجمان

اخوك الرحال

[هند]

اثر قلبك على فرقا الولايف جسور =واثر ... طرفك اليا سهرت عيوني غفا
وين هاك الونين ... اللي يشق الصدور =وين هاك الدموع ... اللي تشق الصفا
كل حي ٍ اليادارت لياليه ...يدور =كل قلب اليا ... عفت جروحه عفا

صح لسانك يالرحال
إختيار موفق



لك الشكر
السؤدد

[ابوحمد الشامري]

لا هنت يا السنافي على ذا القصيدة الرائعه صح لسانك واختيار موفق.

ابوحمد الشامري

[الرحال]

السلام عليكم ورحمه الله وبركاته

مشكووورين وما قصرتوا

اخواني (ابو حمد الشامري - السؤدد)

اخوكم الرحال