يا مل كبدٍ كل ما ون ونيت
حالي تردى من مصايب زمآني
ياعونة الله كل ماجيت للبيت
دنقت رآسي والحزن فالمحاني
ماكني البارح معاهم تقهويت
من يوم شفت اليوم خالي المكاني
رآحوا مرآح الحي لفارق الميت
رآحوا مرآح الي مفارق عياني
عزآه ي مركاً عليها تركيت
وعزآه يادلال الفخر والصواني
الي فعوله عنها ما تناسيت
مكسبه طيبٍ عند قاصي وداني
كم ليلتٍ في مرقدي ما تهنيت
علمي بحلو النوم يومه جفاني
اسامر همومي واجر التناهيت
اغفى وشوفك وسط خضر الجناني
فقدت منهو لدعا الاسم لبّيت
فقدت من لا غبت عنه دعاني
فقدت من دخلته تفرح هل البيت
المبسم الي للزعل ما يداني
ماجور ياقلبي كثر ما تعّنيت
ياكم مره ما اسعفتك الأمآني
البارحه في عالي الصوت جريت
صوت الرثا الي يبكّي المطرباني
يمه انا ببطي وانا ما تشاليت
فيني عطش من حزن وانتي حناني
اروي خفوقن ضاميٍ يبكي الميِت
ذكراه توجعني ومنها أعاني
حتى الصبي شفته يا يمه وحنيت
يومه تعزوا وقال انا أخّو فلآني
ابوك فالجنه يومك تعزويت
خبري العزآوي زينهآ في خوآني
راحو الصقور الي عليهم تغّنيت
بذآك القصيد الذرب وحلو الغوآني
ثلآثة صقورٍ وفيهم تباهيت
واغيض منهو للمعالي عصاني
عساهم الجنه هذا ما تمنيت
أن الأماني أسمها بس أمآني
وعلى محمد كل ما اصبحت وامسيت
صلوا عليه وما لفانا امتحاني
ويالله يالي لك انا أمنت وأرضيت
بعد الصبر ماريد غير الجناني
18-05-2012, 01:45 AM
العرض العادي
