ياذيب وينك وين دارك وأنا وين = وين العوى ياذيب صوتك عشاقناه
جره وانا بهديك من القلب بيتن = نذكر بها ياذيب خلن فـــقــدنـــاه
بذكر الخافي وما شافت العين = واللـي جري للقلب من جور دنياه
وأجاورك بالحال حزن وعناوين = لين الدموع تفيض والهم نجلاه
الذيب لو يشكي شكى هم ثنتين = أمابلاه الجوع أو قارصن جاه
لا واهنيه يوم يرقى الجبل لين = ياصل طويل ويزعج الصوت بعواه
مير البلا من هو همومه ملايين = لو ينجلي مليون مليون يتلاه
الهم في صدري كتب له دواوين = ومما كتب يصعب على القلب ينساه
لو اشتكي همي لقاضي المساجين = فك الجميع ومـــــؤبد السجن نـجـاه
28-12-2011, 07:35 PM
ويـــن العـــوى يالذيب ؟!
..~
العرض العادي
