لا تبخلون بتقييمك

[ابن جازي]

انا حزين وحالتي مختــلــــه من يوم فارقني اعز اصحابي
اسهر على ذكراه ليلي كله ابكي ودمعي سايل وصبابي
والقلب صاير وسط جوفه عله والفكر حايس والشعر قد شابي
الله يبشرني بساعة نقله ويرتاح قلب منحرق منصابي
لاني بقربه دايما في فله وقافل على الاحزان كل ابوابي
ماهو بمن ناس تجيب الزله ولا هو بمن ناس تجيك احزابي
وان جات للوقفات راعي صمله وعن ما يجيني دايما ادرابي
كريم ومتعود يمد الجزله ومايحسب لمدته اي حسابي
في ذمتي انه سمي لفعله اسمه جميل وخوته تزهابي
الله يردك لي يا ابو عبدالله هذا ترا مرادي وغيره مابي
واسمع ترا الفرقا ماهي سهله باقي علي يومين واشق ثيابي
وان كان ماجاني خبر هالنقله صوبك تراني جيت اشد اركاب

[علي الرطام]

صح لسانك
و الله يرده لك