قصائد للشاعر و الاستاذ عزيز بن جمعه البلوشي

[بورميه^البلوشي]

الشاعر و الاستاذ عزيز بن جمعه البلوشي (( كسب المراجل ))

كسب المراجل ما يجي بالتساهيل
ماكل شارب يفزع ليا تتله
ماكل فاطر تستحق الشماليل
حتى الرجوله ماهي شكلن وحله
لامن بغيت الصدق شوف التفاصيل
الهرج يحلا لو يجي في محله
أتعب على سلم الرجال الحلاحيل
الرجل دينه قالو من دين خله
مثل البذور إلي تجيب المحاصيل
البذر عله فالمحاصيل عله
رجلن تشوفه فوق رأسه تعاليل
ورجلن يعرف الحق ورجله تدله
رجلن ليا شفته تهل التهاليل
رجلن ليا شفته تضيق وتمله
مثل السيوف ليا نصيت الرجاجيل
به سيف عرضه وسيف حربن تسله
الرجل لو ما زان فعله كما قيل
ما ينفعه اسمه ومالن يشله
دور علي الي للرجوله مراسيل
وأخفض جناح لا سعو لك وذله
طيب وكرم عز وشجاعه ۅ أفاعيل
وان تبغي رأيي الطيب هو خير مله

[بورميه^البلوشي]

الشاعر والاستاذ عزيز بن جمعه البلوشي"دخيلش"

دخيل الله وبعد الله دخيلش
أنا مجروح من صدش وجورش
وفي وجهش وبين أمرش وبيدش
إبي منش تجودي لي بشورش
أحس كنه مناش ويوم عيدش
تعذبيني وأصير برهن زورش
أنا رجال ما ينخى ونخيتش
ورد خايب ولا أدري وشهو دورش
وأنا لي لا نساش الوقت أعينش
واغير طوري جعل أوصل لطورش
فدا قلبش فدا زعلش فديتش
فداني اللاش واللاباس وسورش
يا ذاك إلي وقف بيني وبينش
نصبيته برود ومن غرورش
هداش الله وروحي قد هديتش
هديتيني جفاش وبلد كورش
لزوم اشوف قدري وسط عينش
لزوم أعرف مرساي فبحورش
تعبني هاجس مرادي إلي يريدش
جعل كل هاجسن مني يزورش
ويصورلش ضمى جاشي ويحيدش
عن الهجر إلي ليله يرجي نورش
أنا مالي في مالش ولا زينش
أنا إلي بضمنش إنتي وشعورش
يا ليت أكون عقدن يزهي جيدش
يا ليت امري يزين كل أمورش
تحملت الضرر لعيون أفيدش
وقفيتي لي يوم أزهم حضورش
دخيل الله قولي وشهو دينش
لصم كتابه وأسلم من شرورش
إذا إنتي صادقه حلفي يمنيش
ونقطي حروفش إلي في سطورش
وحلفي انش تحبيني وأشيلش
في عيني مثلما في العين حورش
انا ارجي حكمش الي في ضميرش
خفوقي ضامر ويشكي ضمورش
وإذا إنتي كاذبه تكفى دخيلش
تفكي أسري واطفي حرورش
وعد لنسى ويالله لا يعيدش
وطلت زولش وساعة مرورش
مرسلة بواسطة عزيز بن جمعه في

[بورميه^البلوشي]

الشاعر والاستاذ عزيزقصيدة " المراجل"

اقل شيمات المراجل كلمه
لا عاش رأسن قال وماوفاها
والله يقطع في الأدوام سلمه
ماهو كفو بين العرب ولحاها
وش يكسب الرجال دون حشمه
وش نرجي بالسوات لي سواها
بالهرج تعرف الرجل وعلمه
وتبيح نياته لو هو أخفاها
مو كل رجالن يفيده حلمه
الصبر ماعود للبركه ماها
خذ من كثير التجارب حكمه
كم واحدن جاها ولا عداها
الله يديم العقل ولا يعدمه
جمع الاصايل زانت بمبداها
الهرج ويشه عمره ما يخدمه
والرجل كلمته ولا ثناها
والتم ما تنطق إلا بمتمه
الوعد لازم لو تسيل دماها
بعض الرجال الحلف يطرف فمه
ونفسه على الكذبه محد وزاها
ويستغل التكفى ويبرد دمه
وكلمته تغلي روسن نصاها
وأنا إلي كلمته سراج الظلمه
إن كان ما تفيده ما بداها
وأنا إلي مزعلن خاله وعمه
بس ما أرد بكلمتي وارخاها

[بورميه^البلوشي]

الشاعر والاستاذ عزيز بن جمعه البلوشي قصيدة الزد الحمر

قال بن جدلان ما يوزن الدانه كلمتن ثمنها للقاصي والداني
وقتنا خداع والناس طفشانه لا يأمن في ذا الوقت حر فرحاني

ليه أهوجس كلما سرت في خانه والطواري تكثر بكثر ضيفاني
الحزن قتال وشلي في إشجانه العمر مره وكل عمرنا فاني
وبلعب بالمنكوس والروح طربانه أسمع صداها في قلبي و الأذاني
وتأخذني سحابة الحب وأزمانه يا هاك الليالي تتحفلي وجداني
شاعر بالمعنى مع بحوره وأوزانه في رأسي مليون شاعر من الجاني
راكب الزد الحمر خلف سكانه هاك الحمر موت سموه رماني
كنه وحشن غارق بوسط دمانه ونته إمن الحشى سبع غضباني
المكينه ار بي صدق ونانه تطرب الجماهير وكل فناني
فالساحه ما يروضه إلا فرسانه طير شلوى طارتن أصله مكراني
امزح ويا الموت وأعرفه ميانه عزتي لمن تجرأ وتحداني
قرم وحليل وشهم سابق زمانه لا كورته احكر ألقير عالثاني
وارده أول وأصقله في مكانه وحبتين كبار لعيون خلاني
رغم بعدهم قلبي حبهم صانه فاقد الخوي كما فقد الأوطاني
حطيته عاليمنه وغليت في شأنه لكن الزمن يبعد كل ذي شأني
والبشر تدور الهرج عطشأنه والحكي ما سد مصران جوعاني
إن عطيتهم فربي قد عطانه وان منعتهم غدا الكل زعلاني
خذها مني ونفسي ماهي بمنانه قبل أبوي إلي علموني شيباني
السعه في جاشك لا تخرب أركانه شفني سديت باب الريح إلي أذاني
أرخمه ما فاده رخوم رفقانه ما يذل الكور لو تمشي وحداني

[بورميه^البلوشي]

الشاعر والاستاذ عزيز بن جمعه البلوشي ((شيلة اللقى ))

دام اللقى في داخلك شي مرغوب
يجيبه ربي لابد أنه يجيبه
ودامي أنا أبغيك.. بسفك على دروب
دروبن تقرب حبيب لحبيبه
وإذا الهوي في مذهبك مزح ولعوب
بقفي على حبك وذا من نصيبه
مكتوب ومامنه ليا صار مهروب
الله يجازي قلبك الله حسيبه
يوم اني جيتك ما أبي منك مكسوب
قلبي كسب منك الجروح اللهيبه
ما يكسر القناص غرون ورعبوب
وأنا لو اني أبغي شي ما أسيبه
أطرد وراه العمر كله ولا أتوب
صحاصح البيدا ولو هي صعيبه
لكن عزيز وماني عالذل محسوب
وحبي الصامت ولاحدن دري به
لو إنته ماعرفت للطيب ماجوب
نكر الجمايل سالفه مو غريبه
يوم أن ابن سعيد في المملكه يجوب
جاه الغدر والغدر فالزين خيبه
خذ الرحال وشدها حد الجنوب
لمخاوة الرديان تدفع ضريبه
الطيب يلقى الطيب والطيب منسوب
وانا ابن عم الطيب وانا نسيبه
وأنا وطيبي مثل يوسف ويعقوب
ان راح عن بيتي بتسمع نحيبه
وناظري من بعد غيبته محجوب
طيبي يغيب وانبسط ذي عجيبه
هاذي الحياه يا كود غالب ومغلوب
خذ الكرامه رأس مالك وطيبه
ألا يا قايل أن في البدو عذروب
أن ما عرفت الشي حق لا تعيبه
دام الفراق بداخلك ماهو محبوب
ترا الوصل للقلب طبه وطبيب

[بورميه^البلوشي]

الشاعر عزيز بن جمعه البلوشي (( رح للبلوشي ))

رح للبلوشي وقله الهرج خلاوي
يا لاد محمد حيات اليوم ثوريه
قضب خويك وعلمه العلم بدواي
صب المراجل على القهوه الجنوبيه

لابد تعلمه كيف الكيف متساوي
تزرع به النخوه من نزعات الحميه
وصه على جرح ولد عمه يدواي
هاذي تعاليم الأجواد البلوشيه

عله يميز من الخيال والشاوي
ان كان تايه ترا الأفعال ماريه
سم التحدي وأنا من الصغر غاوي
شيمه ولا قيمه يديا ورجليا

وأنا قصيدي لسان الشاعر الباوي
استعمله مثل باروده وشبريه
مثل القنيص إلي كافخ بالسما هاوي
هاوي على مخلبه يبغى حباريه

مهذب النفس غير الطيب ما خاوي
أنا أبغي الأوله والسابقه ليا
يالله يا عالمن ويش الرجل ناوي
سهل علينا وخذ بالنيه النيه

من قبل شايب كواه من العنى كاوي
لجل يجمع قبيله ماهي شويه
جمعت نشامى تخلي الساس متقاوي
لاهي بمكسورة ولاهي مثنيه

حنا من الواجب أن نسوق الخطاوي
نمشي على سلم الأجواد البلوشيه
رح للبلوشي وقله الهرج خلاوي
يا لاد محمد حيات اليوم ثوريه

[بورميه^البلوشي]

الشاعر والاستاذ عزيز بن جمعه البلوشي "النور"

النور من نورك وأنا انعكاسه ونوري ياخذ بنعكاسك نوره
يا نور من رأسه ليا كرياساه يا نور يرسم من طباعك صوره
ترسي على شعري وفالكراسه وتكفي شيطان الشعر وغروره
أنتا وأنا... فرعن يماثل ساسه يثمر وينبت في الأراضي بذوره
سبحانه ربي صورك بقياسه كنك من الجنه و أجمل حوره
إنتا بن قهوتي ونا محماسه إنتا على كيفي وفاهم طوره
وأنا علي جوك لهب نسناسه يطربك طاروق الشعر وبحوره
حبنا مثل شاعر طغى بحساسه حبنا مثل قصرن نشيد سوره
نخفيه عن أهل الحسد ونجاسه ونعيش وسطه عيشتن مستوره
حبنا مثل كنزن ولا أحد جأسه نفرح ولو في خبزتن مكسوره
حنا نصونه ملكنا وحرأسه حنا بلوش أسلومنا مشهوره
سلمن موكد مايبيله فراسه ننص من قانوننه دستوره
فيك الحلا والطيب ذهب وماسه أنا انشهد إن خيرتك مكثوره
إبك انتا شيخن طنخته من رأسه يا من طغى في غيبته وحضوره
أشرب قصيدي عافيه من كأسه وخل المشاعر بيننا مغموره
يجذبني رمشك سكرته ونعاسه واشم من طيب الهوى كافوره
يا شوش راسي وعزته ونوماسه فيك الصفات مجمعه باكوره
ملكتي قلبي وقفته ومجلاسه لعينك ظنون الولع منحوره
ما هزني عاذل مخبي باسه ماهزني في هرجته المقهوره
ينفث سمومه بالعسل دساسه لاني بحشمه ولاني باخذ شوره
كاسر سهومه لاهو شد أقواسه مشاعري في محبتك مأموره
لبيه هرجك زولك وملباسه لبيه عينك راضيه ومسروره
بنك القصايد لك لحد افلاسه اطلب تمنى طلبتك مقدوره
يا ويلي حبك ما لقيت أجناسه اشكر وجودك والنعم مشكوره

[بورميه^البلوشي]

الشاعر والاستاذ عزيز بن جمعه البلوشي "كويت العز‎"

كويتَ العز و الأحرار تبقى
ديار المجد جنات السلام
صباح لا يكاد النور يفنى
ونواف العطاء والاهتمام
فداء ٌ روحٌنا للأرض تشقى
ويجلو نورٌها أفق الظلام
ودستور باسم العدل يرقى
بنا بين الشعوب الى الأمام
لها في القلب حبن كاد يطغى
تراه في العزائم والكلام
ألا من لمتنا في الحب مهلن
فما لي عاشقيها من ملامي
عرفنا بالوفاء إذا وصفنا
و أمجادن لأقوامن كرامي
فننعم من مناهِلها ونسقى
نعيمنا نوره مثل الثغام

[●• Ŝђǿǿq •●]

أبيآت رآئِعه ..
تِسلًم يمينكـَ ..~

[مُغـتآل]

مبدع
أشكرك .