|
الشـــــــاعر الكبير : مصلح بن عياد الشــــــــــلوي الحـــــارثي (( يكتـــب للتاريخ)
بسم الله الرحمن الرحيم
كتــــب الشـــــــاعر الكبير : مصلح بن عياد الشــــــــــلوي الحـــــارثي
فريده من فرائد الشعر ورائعه من روائعه قل ان ينسج على مثلها الا ان يشاء الله وهذه القصيده التي سوف نوردها ليست مجرد قصيده بل وثيقه تاريخيه اطال الله بعمره هو ابرز شعراء قبيلة الشلاوى خاصة ومن بنى الحارث او بلحارث عامة في الماضي والحاضر.
الا ياالله يارب العباد
تنجيني من الظلم وظلامه =
سقاك السيل يادار الشلاوى
يادار اهل المروه والشهامه =
اهل قب المهار المسرجاتي
منزحة الجموع عن الجهامه =
تنومس ركضة الخيال منهم
ليا طار العقال عن العمامه =
ليا ردوا لمنقوش الهنادي
صليب الراي يرجع عن كلامه =
واهل صبح الدلال المكرماتي
ونجرٍ يحرم النايم منامه =
ليا قاموا صلاة الفجر الاول
سنا ضيانهم يجلى عسامه =
ليا حلوا على مقطان عدٍ
تقول معسكرٍ بنوا خيامه =
مجاندهم عباريد الثميدي
حرام الرجل فيهم من حزامه =
ليا واقوا بهجفات الكراسي
تعشى الذيب في جال العدامه =
ليا جا دون مقرعت التوادي
نهاراً فيه نوماس ورخامه =
تنادوا بالاسامي واستعزوا
مثل مايستعز السيل قامه =
من ابن الحارث الجمع الرزيني
من الخمره جنوب اليا تهامه =
بن الحارث مقابيس المنايا
مخيلاً فيه ربان وعسامه =
عوراف عند حزات العوارف
خصومٍ عند حزات الخصامه =
ليا جانامداعينا بحجه
نقضنا حجته واخطا سهامه =
الاياقشر من صادف غضبنا
اليا طاح الصويب من المسامه =
ثلاث بدان في سبعة بوارق
على سبعة شيوخ اهل الزعامه =
ابن هريس قيدوم السرايا
عسى في داخل الجنه عظامه =
اخو حمده كعام العايلينا
عدوه يغتشي جيشه ملامه =
وابن عايش ودوخي بن مهلج
وابن حريش خيال الجهامه =
وابن رماح في مقدام سربه
اهل بندق واهل عز وكرامه =
وابن مهرس على القطر الشمالي
وريع النجد شرقيه وشامه =
ليا صدر من الباضه مسند
يضد الخصم في ريع الندامه =
يفزع له عند الضده مريسي
عقيد القوم في غزوة سلامه =
ليا بيشن مع الآد القريني
دول بنيوس قاموا من مقامه =
اهل عربٍ تحيل القوم عنها
ليا من الفرنج ارهوا طعامه =
واهل ميسان وانصح والفراعي
واهل بيضان والصخره ودامه =
قرايا ناصره قومٍ رويه
من المقرح اليا حدباء تهامه =
رجال وبندقٍ صافي خشايب
من البلجيك منقوش العلامه =
بريمان الحنيش اللي نجبهم
كلامٍ صدق ماهو بالتهامه =
وابو علّيه المشهور منهم
وابن ختام حرٍ باهتمامه =
واهالي ترج بتران المحازم
هل البندق اليا زاد انحطامه =
ولا ياكم عميلٍ شمتوا به
بنوا فوقه من الطيه ردامه =
تراهم بالنسب منا وفينا
مثل سيفٍ نصابه من لحامه =
انا مالي شكر في مدح ربعي
مع الشعار لي هيبه وهامه =
بدون قصور في جمع القبايل
وكلٍ له مقامه واحترامه =
وانا من جملة الشعار الاوسط
من الشعار الاوسط في كلامه =
احوف القاف واحكّم ضميري
وانظّم كل شئٍ انتظامه =
واسوق القاف سوق اهل الركايب
واقوده قود سمحان بخطامه =
واشوم عن الرزيله والهزيله
ما احب من الكلام الا سنامه =
ليا قالوا هل المجلس وقلنا
وجا لرجل هيبه واستقامه =
ليا وجه سوال النا هرجنا
ولما سال ما قلنا علامه =
ونجلس مع رفيعين المجالس
ونكسب من مجالسهم غرامه =
غرامة فايده ماهي خساره
سعة خاطر وضحكه وابتسامه =
ولن جانا كبير النفس قمنا
وخلينا له المجلس يلامه =
كبير النفس مالي فيه رفقه
لو انه يدفع الضلعان امامه =
سقى الله دار سمحين الضماير
بعيدين السدود اهل الشهامه =
مدلهة الرفيق اليا تأثر
منجية الدخيل من الرغامه =
ليا جاهم مسير رحبوا به
تراحيبٍ تجزّي عن طعامه =
ليا من البخيل ارخى دناقه
تحت عشٍ مثل عش الحمامه =
ورضي الله عن امة محمد
شفيع الخلق في يوم القيامه =
على الله اتكلنا واعتمدنا
في مبدء الكلام وفي ختامه =
تقبلوا فائق تحياتي اخوكم: الشلوي الحارثي
__________________
سـلام يامـن جابنـا رسمـه ونبـه**على سلومٍ سايره بين العرب
من الشـلاوى اللي لهم عاده وشبه**كير الحرايب يوم نيرانه تشب
احزامنا شغل النيامس وام حبه**ومسلبن فيماننا يقضي الطلب
كم شيخ قومٍٍ في ملاقنا نذبه** بالمرهفات اللي تذب الروس ذبّ
راس يناصبنا وراس ننتصبّه** والراس الأنصب كل ماطِق أنتصب
|
17-01-2005, 07:38 PM
العرض المتطور
