قصه وقصيده مؤثره جداااااااااااااااااااااااااااااااااااااااااااااااا اااااااااااااااااا

FALAH-1 · #1 28-06-2007, 05:40 AM

منقول

بسم الله الرحمن الرحيم

قريت قصيده مؤثره .. تتكلم عن قصة وحال رجل وهو محكوم عليه بالاعدام ظلمــــــاً !!
وحبيت انقلها لكم ..

علما انني لا أعرف هل سبق لها النشر ام لا .. (شوفو شغلكم يامشرفين )

السالفه ومافيها فيه صديقين تجمعهم صداقه قويه وهم سلطان بن رباح ومحمد بن عقيل كبروا وتزوج سلطان وجاه ولد وسماه على خويه (محمد ) من زود مايغليه.. كانوا يحبون القنص ..
في يوم من الايام طلعوا للصيد بالحالهم في وقت كان محمد يجهز الغداء كان سلطان ينظف السلاح
وكان فيه طلقه في المخزن مادرى عنها سلطان ضغط الزناد وثارت البندق وجت الطلقه في خويه محمد بالغلط ومات خويه وشال خويه وسلم نفسه بدوا اهل سلطان يطلبون من اهل محمد يتنازلون و لكن عيو يتنازلون وصلت الديه 10 مليون !! ورفضوا إلا راس براس ..
واخيرا صدر الحكم على سلطان بالقصاص ..

وكتب الشاعر ((جــزاء البقمي)) قصيده يصف حال سلطان فيها :

يافــــلاح .. الـــهم خيم بقلبي يا فلاح
كيف تبغاني اسولف وانت خابرني عليل

ويش قولك في عليل في حياته ماستراح
تنتثر دمعة عيونه لاظلم الليل الطويل

حالته لا ماتباعد حال "سلطان الرباح"
بالخطاء راحت حياته والخطاء ماله مثيل

كان ويـّــا صاحبه اثنين في ارضٍ براح
يطردون الصيد دايم منصفح لين المقيل

اجمعتهم صحبه الدنيا على جد ومزاح
مايهابون الليالي والحمول اللي تميل

ماقتل عامد ولكن ثور بليس السلاح
بالخطاء ثار السلاح ووين يلقا له دليل

وانعقد سجنه وربعه تنتظر فك الصراح
والأكيد إنه سجين ومارضوا ربع القتيل

هـــلّ دمعه يوم صلى ركعتين في الصباح
في نهار الجمعه اللي من ثقيلٍ في ثقيل

هلل وكبـر ونفسه تذكر اللي راح وراح
كان في ربعه عزيز وذله الوقت الذليل

لامحمد ولا تهاني ولا سعود ولا صلاح
كلهم كانوا على باله وهمه في هديل

طفلةٍ ماكملت عامين صايبها كساح
وانثر دمعه وحاله من سبايبها نحيل

حان تنفيذ القصاص وغطوا الراس بوشاح
وجاك سيافه يشيل السيف ابو حدٍ صقيل

وارتخى راسه وزاد الموقف الحامي صياح
بين نوح وبين دمع وبين صيحات وعويل

وارتفع صوت الحشود وزاد محمد وصاح
يايبه تكفى دخيلك تستمع قول الدخيل

يابيه وشلون نصبر وكيف نهجع بارتياح
وانت من دنيا عيالك تاخذك بر الرحيل

يامحمد هاك علمي واحفظه قبل المراح
انتبه لخوانك وبالك عليهم لاتعيــــــــل

الله الله في الصلاة والصيام والصلاح
والله الله في امكم والله لكم بعدي كفيل

وغمض عيونه ونفسه تطلب الله السماح
رافع سبابته مظلـــــوم والله الوكيــــــــل

وسل سياف الصفا سيفه وطقه ثم طاح
راس المراجـــل وانتثر دمــه يسيـــــل

غسلوه وكفنوه ثم فاح طيب السدر فـــاح
وبالمصادف صار قبره جنب قبر ابن العقيل

يفلاح الكارثه ماهي سوالف يافلاح
خلني ساكت ودور غير هالقصه بديل

وسلامتكم

ثامر الدوسري · #2 28-06-2007, 01:29 PM

لا هنت يا فلاح على القصه المؤثره وعلى سردك للقصيده ..

تقبل مروري مع خالص تحياتي وشكري لسموك الكريم اخوك : ثامر الدوسري

FALAH-1 · #3 01-07-2007, 04:24 PM

اقتباس:

المشاركة الأصلية كتبت بواسطة ثامر الدوسري

لا هنت يا فلاح على القصه المؤثره وعلى سردك للقصيده ..

تقبل مروري مع خالص تحياتي وشكري لسموك الكريم اخوك : ثامر الدوسري

ثامر الدوسري

اشكر مرورك الطيب

ولاهنت يالغالي

الجنيبي · #4 03-07-2007, 07:01 PM

جطلي بن فهد · #5 11-07-2007, 10:42 PM

بيض الله وجهك على ها القصيده والقصه
الطيبه مشكور والله يقويك ويعافيك

ولاهنت

تقبل سلامي

سماوي بن نجم

الاحرش · #6 12-07-2007, 12:42 PM

لا هنت يا فلاح على القصه المؤثره

FALAH-1 · #7 02-08-2007, 05:31 PM

اقتباس:

المشاركة الأصلية كتبت بواسطة الجنيبي

سلمك الله يا فلاح والله ينصف المظلوم ويجعله في جنات النعيم هو وخويه سلمت الغالي والله ما هانك تقبل تحياتي اخــــــــــــــــــوك.....

الجنيبي

حياك الله ويشرفني مرورك

ولاهنت

FALAH-1 · #8 02-08-2007, 05:34 PM

اقتباس:

المشاركة الأصلية كتبت بواسطة سماوي بن نجم

بيض الله وجهك على ها القصيده والقصه
الطيبه مشكور والله يقويك ويعافيك

ولاهنت

تقبل سلامي

سماوي بن نجم

سماوي بن نجم

يامرحبا ومسهلا

وشرفني مرورك الجميل

FALAH-1 · #9 02-08-2007, 05:35 PM

اقتباس:

المشاركة الأصلية كتبت بواسطة الاحرش

لا هنت يا فلاح على القصه المؤثره

الاحرش

اشكر حضورك الرائع

ولاهنت يالغالي

عــجــ100 · #10 03-08-2007, 08:23 PM

مشكور فلاح على نقل القصه والقصيد

الله يرحمهم

الله يعطيك العافيه

ولاهنت