رد على قصيدة المهنا كذب ليل

[الجويّر]

يا المهنا زان جوّي واجتهادي = كونه انه صار مع وضعي عديل

جاذب ٍ ياللي على الرفعه تنادي = جذبة الفارس على ضرب الصقيل

مخفي ٍ علمك مثل غدر الهجادي = ثم قدحلي النوض بالرجم الطويل

واصفر ٍ خالط معه لون ٍ رمادي = كالخليل اللي حظا صدره خليل

اشهد انك حابك ٍ حبك ٍ وكادي = واشهد ان الشعر من راسك جزيل

واشهد انك هايم ٍ في كل وادي = شاعر ٍ توضح وثم تخفي الدليل

اسمع محمد ولا تسمع عبادي = (وام كلثوم ٍ) تهيضك يالعليل

وانطر الرّمان لايوم الحصادي = مايجي بالساهله شي ٍ جميل

ادري انه محتمس فيك الفؤادي = خايف ٍ تفلس بعد صبر ٍ طويل

لاكن اغنم دام منتوج البلادي = يعطي الرجال مايملي الشليل



وسلامتكم

الشاعر / سعود رتيبان الجويّر

[ماجد المهنا]

السلام عليكم ورحمة الله وبركاته ..

لاكن اغنم دام منتـوج البـلادي = يعطي الرجال مايملـي الشليـل

ما حصل شيءٍ ورديناه
ههههههه

الشاعر/ سعود رتيبان الجويّر ..


يمال الغناة ..


صح لساااانك مدد ماهوب عدد ..


والله ان قصيدتي زاد قدرها عندي عقب مجاراتك ..


الله لا يهينك على كل حال ..

وافي..

ولا خلا ولا عدم ..

[ابن دريب]

لاكن اغنم دام منتـوج البـلادي
يعطي الرجال مايملـي الشليـل


الله الله الله

ياسلام يالجوير


قصيده وافيه وممتازه الى ابعد الحدود


صح اللسانك مليووون

تقبل تحياتي

[الجويّر]

صحة ابدانكم جميع وتستاهل يالمهنا عيوني الثنتين مهب قصيده وبس 0 ويامرحبا ومسهلا بابن دريب اللي قطع ولا عاد شفناه 0ترى فقدناك وين هالغطه اللي مدري وش خفاها - والله يعطيكم العافيه على المشاركه والمرور الكريم







تحياتي / الجويّر

[فيصل بن حجرف]

صح لسانك يالجوير
والله لايهينك على القصيده الرائعه
وننتظر المزيد من الابداعات

[بحوور]

الجــويــّر


مجــــاراة رائعــــــه ..

صــح كــــلك ملاييـــــــن

ولاهنـــــــــت ,,





أختـــــــكـ

[الجويّر]

صح بدنش يااخت بحور ويعطيش العافيه على المشاركه والمتابعه الجميله






تحياتي / الجوير