العظايم مالها غير العظايم

[منصور بن منيخر]

مساكم الله بالخير
قصيدة في سمو الامير فهد أل سعود

ابتديت القاف من كسب الغنايم=البيوت الوافيه هجسي سبكها
لو لي مده عن القيفان صايم=هاجسي عين السحابه يدّركها
لو افسر كل ليله حلم نايم=دورة الايام مع دورة فلكها
فيه ناس اعقولها مثل البهايم=والحصن تصهل ولا تتبع رمكها
يا فهد وش لك بجمّاع الهلايم=الحدايا ما خبرنا اللي شبكها
ما وراهم غير همزات الظلايم=وانت جدك من حكم نجد وملكها
ما يتوب اللي يجمع للنمايم=لو يشيب الراس عاده ما تركها
يحسب(ن)حظه مع الاجواد قايم=سكة الاجواد ما عمره سلكها
والصبر يا ابو هلا ما هوب دايم=نعرف الفضه ولا نجهل تنكها
والعظايم مالها غير العظايم=فرق السمن العرابي عن ودكها
حن هل الارياء وحنا اهل العزايم=نقلب الخطه علي من هو حبكها
مع هل التوحيد لباس العمايم=كم ديار(ن)من قسانا ننتهكها
والعفن في وادي الغرات هايم=كل ليل الناس بلسانه علكها
في غياب الناس رماي التهايم=والكفوف ان طوّل الموقف فركها
للعرب يا معرب الجدين لايم=سالفه مع سالفه راح وشركها
وما حلا مشي القفر والجو غايم=والعجوز تموت من سبة حنكها

[عـزام]

السفران

حياك الله يالقرم وحى ما جبته

كما عودتنا الابداع والجزاله


صح الساااانك مدد مهوب عدد

وتسلم يمناك لا عدمناك

[منصور بن منيخر]

عزام لا هنت يا القرم وبيض الله وجهك
بس ما عينت هداج وين راح

[محمد أبو زيد]

والعظايم مالها غيـر العظايـم
............................... فرق السمن العرابي عن ودكها

حن هل الارياء وحنا اهل العزايم
................................نقلب الخطه علي من هو حبكها

السفراني ، صح الله لسانك وكلك ولاهنت

[عـزام]

هداج يذكر يالسفرانى انه راح يبى يدخل الفلوجه عن طريق سوريا وقضبته المخابرات السوريه.

الله يفك عوقه ويرجعه لاهله سالم.

[منصور بن منيخر]

محمد ابو زيد لا هنت
وبيض الله وجهك

[منصور بن منيخر]

عزام ما شاء الله
عليك متابعه

[الـــصـــعــــب]

لله درك يالسفراني



صح لسانك مليون ولا يكفون



لاهنت يالقرم


ابدعت

[فيصل بن حجرف]

صح لسانك يالسفراني
ابداع كالعاده اخي القدير
ونتمنى نشوف المزيد من ابداعاتك في هذا القسم وفي جميع الاقسام الادبيه

[اطياف الماضي]

صح لسانك اخوي السفراني