الفقـر والوقـت والـحـظ العنـيـد

[الجديد القديم]

قصيده تميل للفكاهه اكثر ....امنياتي


تعجيكم .

وصفـوا قبلـي شواعيـر القصـيـد
مرسدس ،فكسار ، رنج ، ودوج ، هاف
بـس انـا بوصـف الشـي الزهـيـد
حشمـة ٍ للـي مخابيـهـم خـفـاف
لا عمايـر لا قـصـور ولا رصـيـد
ولانعيـم بحضـرة الدنـيـا يـشـاف
مايشيـل اقدامـهـم غـيـر البلـيـد
لـو تدّفـه قـدّم يرجـع بـك خـلاف
سرعتـه مشيـة صعيـدي فالصعـيـد
لامشـى تـومـيّ يديـنـه بلتـفـاف
لـون واحـد ماطلـع غيـره جـديـد
صاحبـه يّغلـط (بخيّـه) فالمـصـاف
صـوت شكمانـه مثـل كحـة مريـد
لآحقـه مـن زاده المخـزيّ جفـاف
زيـك لستـك والبـدي كنـه حـديـد
مخطـر ٍ تقلّبـه لاهـبـت شـعـاف
كـن وجهـه لا نطحتـه مـن بعـيـد
وجهه فاطر عاشـت السبـع العجـاف
شكـل صندوقـه عسـى فرقـاه عيـد
مثل تابـوت النصـارى لـه حـواف
ميزتـه فـي حـر والاّ فـي جلـيـد
(زيتّـه) اللـي فيـه ماجـاه اختـلاف
وراد النيـسـان مـازبـنّ طـريــد
مركـب عيـال الطفـارا والضعـاف
اسمه (البيـك اب) فـي طبعـه فريـد
ضد شمـس وبـرد يجحـد مايعـاف
ماتمنـى طارتـه ممـسـي وحـيـد
موعده مـع شيخـة الزينـات طـاف
الفقـر والوقـت والـحـظ العنـيـد
سببـوا زحمـة وجــوده بــالألآف
مالكـه لامـات مـن (ظيمـه) شهيـد
(مـدّ رجلينـه علـى قـد اللّـحـاف)

وسلامتكم

[مـحمـد]

الله الله
لاهنت وصح لسانك ولسان الشاعر
اختيار اكثر من رائع .

[عيد بن شدقان]

الجديد القديم
صح السانك والسان شاعرهاا
ولاهنت
اختياار رائع

[متعب الوقت]

عز الله ماكذب راعي القصيده ولاهنت على النقل وصح الله لسان شاعرها