اقول للي في بالي

عجمي الوادي · #1 19-06-2005, 09:55 AM

أسمع صدى صوتك مع ضجّـة الناس- ------ والحس يسري للضماير حسوسي

أنسى معاك العزم والفكر والياس ----------وحبك بقلبي للضمير مغروسي

واهيم في بحر بالأمواج غطاّس --------واسج وانسى عن ربوعي جلوسي

قربك شفا للروح والنود نسناس -------وروياك سعدي عن ليالي نحوسي

يا مورد الخد المعسل بالألعاس ----------يا ضي جبينه في الظلام الدّموسي

العين عين اللي على الكف حبّاس -----------والصيد له بمعودات الفروسي

فرخ الحرار مذهب الريش طلماس ----------أشقر عليه من النداره هيوسي

ياضي ضيا خده كما نور نبراس --------والا شعاع الشمس قبل الغلوسي

كنه يحش القلب مرهوف الأمواس -------حش الصريم اللي نواه اليبوسي

عليه من فقدي ووجدي والإحساس -------مثل الضريم اللي عليه محموسي

نار اتواقد هبها نود لساس ------------موقد غضاها من حطبها يبوسي

وسلامتكم

مـحمـد · #2 19-06-2005, 10:12 AM

الله الله
صح لسانك ولسان الشاعر
ابيات رائعه

العبرةالحائـرة · #3 19-06-2005, 10:46 AM

أنسى معاك العزم والفكر والياس ----------وحبك بقلبي للضمير مغروسي

لاهنت ... عجمي الوادي

عـزام · #4 19-06-2005, 11:11 AM

عجمى الوادى

اختيار موفق ولا هنت

عجمي الوادي · #5 20-06-2005, 12:54 PM

ALAJMI

المهاجره

عـزام

شاكرلكم المرور الكريم

السلاطين · #6 20-06-2005, 01:11 PM

الغالي عجمي الوادي

لاهنــت و صـــح لســان النــاقل و القــائل ، جزلــه من جــزل

والقصيدة لمحمد بن راشد آل مكتــوم

كنه يحش القلب مرهوف الأمواس -------حش الصريم اللي نواه اليبوسي

عليه من فقدي ووجدي والإحساس -------مثل الضريم اللي عليه محموسي

نــــار اتواقــــد هبــها نــود لســـاس -------موقد غضاها من حطبها يبوسي

قبلةالعجمان · #7 21-06-2005, 04:52 AM

صح لساااااانك ...

عجمي الوادي · #8 21-06-2005, 08:00 AM

السلاطين

ماعليك زود يأبن العم

قبلةالعجمان

صح بدنش

لكم من الود اصدقة

هند · #9 21-06-2005, 08:14 AM

السلام عليكم

أخى القدير ، عجمي الوادى
صح لسانك ولسان شاعر الأبيات
كلمات رائعه

السؤدد

عجمي الوادي · #10 21-06-2005, 09:37 AM

وعليكم السلام

أختي القديرة السؤدد

صح بدنش وشاكرلك المرور