حبك خذاني مثل غيم ٍ سـرا مسـرا

[عيد بن شدقان]

تشهد نجوم السما وتشهد لي القمـرا=وما ظنتي يا مرادي تجهل المقصود
القصد واضح مثل نور ٍ وسط غدرا=في ليلة ٍ ماطره تسمع دوِي إرعـود
حبك خذاني مثل غيم ٍ سـرا مسـرا=يتبع غرامك بحب ٍ ما يعرف حـدود
إرفق ترفق ترانـي حالتـي قشـرا=أبيك تقرب لقيتك بالجفا لـي تـزود
حاولت أبيها تعـلا عـوّدت حـدرا=يا ويش اسوي بحظ ٍ دايـم ٍ مقـرود
حتى وانا ذايـب ٍ بعيونـك الخـدرا=لا تحسب إني بذل النفس لجل السود
مليت من عشرت ٍ تجرح ولا تبـرا=ومليت اناجي خيال ٍ صاحبه مفقـود
واليوم خذها صريحه وإسمعه جهـرا=حكي ٍ بقلبي كتمته والمحاني شهـود
من جاني مره يبيني جيت له عشـرا=ومن كان يبغى المفارق ما تنيت يعود
روّح في دربك ترا ما عاد لك قـدرا=في خافق ٍ من عرفته بالشقى موعود
الشاعر/عيد الهاجري

[أشهب الـلال]

حاولت أبيها تعـلا عـوّدت حـدرا=يا ويش اسوي بحظ ٍ دايم ٍ مقـرود

ايوالله وش أسوي


ذياب

العزيز والغالي

صح ألسان الشاعر عيد الهاجري

ولاهنت على النقل

لاعدمناك

تحياتي

أخيك

[المارد الشعري]

حتى وانا ذايـب ٍ بعيونـك الخـدرا=لا تحسب إني بذل النفس لجل السود


صح لسانك ولسان الشاعر ياذياب

والله
لايهينك

ومشكور على النقل الرائع والله يعافيك


تحياتي لك

[عيد بن شدقان]

اشهب اللال
مرحبابك ومسهلاا
ولاهنت يالغالي
حظورك اسعدني

ولك كل الشكر

[الليث]

حبك خذاني مثل غيم ٍ سـرا مسـرا
يتبع غرامك بحب ٍ ما يعرف حـدود
إرفق ترفق ترانـي حالتـي قشـرا
أبيك تقرب لقيتك بالجفا لـي تـزود

( ذياب )

الله يعطيك العافيه على القصيده الرائعه والممتعه

تحياتي لك

الليث

[فزاع]

ذياب صح بدنك ومشكور على هالقصيده الرائعه

[الصحوة]

اختيار رااااااااااائع

تسلــــــــم

[عيد بن شدقان]

المارد الشعري
ورحباا ومسهلاا
صح بدنك
ولاهنت
والرائع هو مرورك

ولك كل الشكر

[عيد بن شدقان]

الليث
مرحبا ومسهلاا
الله يعافيك يالغالي
ولاهنت
اسعدني حظورك

ولك كل الشكر

[عيد بن شدقان]

رمان
مرحبا ومسهلاا
ولاهنت يالغالي
والرائع هو مرورك
ولك كل الشكر