عابرة سبيل رحمها الله

[فزاع]

(انا لا اعصر الجرح وتولد القصائد انا لا اتصنع ولا اغير في ملامح قصيدتي بعد ولادتها اذا أعلنت وصولها لا املك الا قلمآ صادقآ ينقلها كما هي كما تجول وتتخبط في داخلي لا رتوش ولا مكياج تقبول صادق احساسي وشاركوني مشاعري) هذا مقدمة وعنوان ديوانها المقروء لعابرة سبيل ولكم مني بعض الابيات لقصائدها واتمنى ان تنال اعجاب الجميع

مسافره مسافره وجمعت انا اشيائي=بروح ادور لي ارضآ غير مأهوله
افكاري مبعثره والمشي عشوائي=والدرب محظور والاحلام مشلوله

××××

في ضامري عنوان حرة تحدي=ابا اكسر الاغلال واعيش حره
بأصنع قراري وكل شيئآ بيدي=مليت من صبرآ عطاني مضره

××××

اهلى يدرون اني شاعره=بس مايدرون عن جرح الليال
يمنعوني من كتابة خاطره=مادروا أني من زمان بها المجال
أه لو يدرون اني العابره=عندها بتصير موتتنا حلال

××××

شريت لي ثوبن علشان لقياك=والثوب راحت موضته مالبسته
وشريت عطرآ مازهاني بلياك=اربع سنين بعلبته مالمسته
ودفتر قصيد كل يوم يترجاك=مافي يومآ ماسهرت ودرسته

××××

ما أرضى اخونه ولا ارضى اعيش منحرفه=ماهو عشانه عشان النفس والعالم

××××

قفى يداري عضتن في ابهامه=وقفيت اداري عضتن في شفاتي
وكلن رحل يحمل بقايا غرامه=وراحت حياته يوم راحت حياتي

××××

أه يلي لغيره لا حشا ماحرصت=مودعن وسط كبدي من غيابه فري
ومن نهار الموادع بالفرح مارقصت=ولا كحلت العيون ولا لبست الزري

××××

مقدار حبي له عالمن فيه ربي=ولا الموازين لغرامي ظلومه
لالايقارن حب امه بحبي=اخاف من عينه تطيح الامومه

××××

ان كان قلبي حقود الله يلعني=وان كان مالي شرف عساي للفاني

××××

دموع عز ولا ابتسامة نذاله=دنياك مادامت لغيرك على الكيف

××××

المشكله ماهيب هذي ولا ذيك=المشكله لاحبت العين طايش

××××

اليا ضحك جيته من الضحك كلي=واليا سكت ضاعت جميع السواليف

××××

ياخبلي الغايب متى ترد للعين=متى اشوفك او تجيني رساله
ادري بالدنيا خبولن كثيرين=لكن خبالك ياحبيبي لحاله

××××

واليوم لو قالوا لي الناس ميت=يجوز من قالها ينال البشاره

××××

في عز ليل الشتاء قعدت بلحالي=ماغير انا وهاتفي والبوم والدوه
انطر يبي يتصل بي واحدآ غالي=وطفيت ليتي اخاف انشاف في ضوه

××××

ياكثر شعرآ كتبته امس والبارح=وياكثر شعرآ عفب فرقاه سجلته
دفاتري امتلت من سبة الجارح=هذا وغير الذي للحين ماقلته

××××


وهذا اخر قصيده قالتها وهي تخاطب زوجها

ترى الذبايح واهلها ماتسليني=انا ادري ان المرض لا يمكن اعلاجه
ادري تبي راحتي لا يانظر عيني=لو كان لي خاطرآ ماودي ازعاجه
لم الكفن فيني وظم رجليني=ماغير احدآ كشف حسانه واحراجه

هذا ماقدرنا عليه تحياتي لكم ،،،،،،،،،،،،،،،،،،

[غرنوق]

الله يرحمها ويغمد روحها الجنه


شكرا رمان

[فزاع]

ياهلا بك غرنوق وشاكرين لك مرورك