رائعه لمــــــدغـــــــم ابـــوشـــيــــبــــه

عيد بن شدقان · #1 25-10-2005, 09:38 PM

السلام عليكم
هذه احدا قصائد الشاعر المبدع مدغم ابو شيبه
واتمنى ان اكون قد وفقت في اختيااري

لايغرّك حجب دمعـي عـن ظهـورة =لاتقـول أنّـي سليتـك .. ماسليتـك
دايم أستر دمع عيني ستـر عـورة = والاّ أنــا يـامـا تضـايـقـت وبكـيـتـك
أوّلــه يــوم الـغـلا فـأربـع شـهـورة = وآخـره فـي يـوم جيـت ولا لقيتـك
أعتبـر مسيـاري لـجـارك.. ضــرورة = لجـل أوقّـف مـوتـري قــدام بيـتـك
وأنتظر لي ربع ساعة.. عند سورة= ماخبرت أني دخلتـه.. مـا أحتريتـك
وأنت تأخذني على عميـا مشـورة =مسـرفٍ بـي لارحـم حيّـك وميتـك
تحسـب أنّـي ناسـيٍ حبـك ودورة =لو نسيـت أبـوي وأمّـي مانسيتـك
الله اللي حطّ لك في العين صـورة = والله أن يمـحـا نظـرهـا مامحـيـتـك
تلـمـحـك روضٍ يقـلـدنـي زهـــورة = نـاعـمٍ لــو أنّـــك بـتـوكـل كلـيـتـك
موج حبك في الحشا صفقه وفورة =والظنون تسد نفسـي لأشتهيتـك
وش تعللهـا عليـه مــن الخـطـورة = يامعلـلـهـا عـلــى لـيـتـك ولـيـتـك
واحدٍ من طاري أسمـك طـق زورة = وش يقول أن سمع لبيـك وفديتـك
عـذره بمخبـاة لـو يفـقـد شـعـورة = وأنـت عــذرك لارمــاك الله رميـتـك
لاتـهــز الـغـصـن وتـطـيّـر طـيــورة = أتـق الله وأحتـرم مـجـدك وصيـتـك
وأن حداك مسايـر النفـس الغيـورة = مرحـبـا مــن واحـــدك لكمبلـيـتـك
أرمنـي فالنـار مـن عميـا مـشـورة = وأسرف أسرف لارحم حيّك وميتك
مــــــدغـــــــم ابـــوشـــيــــبــــه

السنـــــافية · #2 26-10-2005, 12:29 AM

مبدع فى اختيارك للقصائد ياذياب

صح الله لسانك

ويعطيك العافيه

عـزام · #3 26-10-2005, 12:35 AM

اختيار جزل يالذيب

صح السان ابو شيبه

وتسلم يمناك لا عدمناك

عيد بن شدقان · #4 26-10-2005, 03:27 AM

السنافيه
صح بدنش
والله يعافيش ويسلمش
حظورش اسعدني
ولش كل الشكر

عيد بن شدقان · #5 26-10-2005, 03:50 AM

عزاام
ومن قال سالم
لاهنت يالقرم
حظورك اسعدني
ولك كل الشكر

أشهب الـلال · #6 26-10-2005, 04:51 AM

الله الله

ياسلالالالالالام ابدااااااااااااع

أخي الغالي

ذياب

لاهنت على النقل الرائع ، من عرفتك مُتميز دائماً

صح السان شاعرها...... ولنا شوق لجديدك

ولك مني أطيب تحيه

أخيك

سند · #7 26-10-2005, 05:33 AM

ذياب

لاهنت يا طيب

وصح الله ألسانـك

تقبل تحياتي,,,

^تسـوااهن^ · #8 26-10-2005, 02:43 PM

الله الله ,,
ياا سلااام عليك يالذيب من وااحدك لي كمبليتك

صح لساانك مدغم بو شيبة
وتسلم يمنااك على النقل الجميل

عيد بن شدقان · #9 26-10-2005, 06:55 PM

اشهب اللال
ارررررحب
ولا انت يالغالي
والرااائع هو حظورك
واشكرك على الكلاام الطيب يالقرم
تواجدك اسعدني
ولك كل الشكر
اخيك
ذيااب

عيد بن شدقان · #10 27-10-2005, 04:49 AM

الهاوي
ولا انت يالغالي
وصح بدنك
ولاهنت
حظورك اسعدني
ولك كل الشكر