سلام يا عزام

[هداج تيما]

صبح الخير يا عزام

ما هبت الأ نسام سلام يا عزام واللي معك من يام والضيف والعاني
أن قلت لك جده كل(ن)علي حده واللي مضي عده كله علي شاني

[الجويّر]

هههههههههههههههههههههههههههههههههههه هداج وانا كل مادخلت المحاوره الا انت متولجلك احد





صــــــــح لســــــــــــانك يامبدع المحاوره واستمر ولك متابعين انت والشيخ عزام









تحياتي / الجويّر

[هداج تيما]

الجوير لا هنت وانا ما اتولج احد
الله يهديه انا اعزمهم علي الشحم والطيب والعلوم الطيبه
وبعدين اوريك يا الجوير تعطي عزام رتبه وتتركني بدون رتبه
الوعد مع العيد عيديه يا الجوير

[عـزام]

مرحبا يا هداج مسيت بالنور


واستلم يالقرم..

يا مرحبا مليار يا مكرم الخطار واللى لفى للدار والقاصى والدانى=طويل يا الزيزوم راس العرب والقوم راحت وكنها احلوم يا مزبن الجانى

[هداج تيما]

هلا بك

كلش علي حله ولم لي الدله شرواك من مله يا الذيب سرحاني
أنا بقول أبشر وأنا مانيب أقشر وأنا ما أحب الشر يا السيف شاماني

[عيد بن شدقان]

الله الله الله
هداج صح السانك
عزام صح السانك

ولاهنتو

متابع

[عـزام]

استلم لا هنت..

احيان تعجبنى واحيان تزعلنى واللى عرف رطنى يجاوب الحانى=مستور غناها وحنّا وعيناها والناس وش جاها من منهم الجانى

[فيصل بن حجرف]

ارحب ياهداج وصح لسانك
وصح لسانك يا عزام
وتراني ذالمره في صفكم كلكم

[عـزام]

ابو عبدالله خلك حارس مرمى

[هداج تيما]

استلم لا هنت

نيراننا حيه ما نقبل السيه يا طيّب النيه للعمر دياني
دمي علي دمك همي علي همك وانشد بني عمك من روس سفراني