في كل الاحوال...!!

[جمرة غضى]

هذي رائعه من روائع الشاعر : فيصل الطواله

اتمنى تنال اعجابكم..

صبح العمى متعلق بصوت عصفور=لومايشوف الشمس يوجس شعاعه
ياصاحبي في كل الاحوال مشكور= بس ابتعد والوصل خله قطاعه
بعدين تدري ليه انا كنت مقهور= ليا لا عك اللي بالهوى القلب لاعه
مااحدٍ على الثاني ترى اليوم مجبور= وكانه على النسيان عندي استطاعه
خوفي عليك العام بي مات مذعور= اليوم خوفي منك اكبر شجاعه
دام الغلا يجرح انا فيني شعور= انا عن الهفوات كلي مناعه
كرامتي فيني لها كلمة الشور= سرت بدمي مع حليب الرضاعه
ياصاحبي معذور انا وانت معذور=مايجتمع مغلي ومرخص بضاعه
قل ماتبي ماباقيٍ شي مستور= زولك وشفته في عيون الجماعه
ان قلت لي مغرور.. مغرور مغرور= لكن تأكد ان غروري جزاعه
بس عاد قلي دون ماتلف وتدور= وش استفاد السيل من جرح قاعه
انت القمر لكن اليا صرت مبتور= زينك بقى والعرف ابحر شراعه
لو كان ذنبك جرح هين ومغفور= بس ان جرحك ذنب ماله شفاعه

وسلامتكم..

[عجميه واعتز]

مااحدٍ على الثاني ترى اليوم مجبور

صح السان الشاعر
ولاهنت

[أحمد بن عكشان]

صح ألسان شاعرها وصح ألسانك

بعد ولاهنتي على النقل الرائع ومن رائعه

وكلك ذوق

وتقبلى مودتى واحترامى

[فيصل بن حجرف]

صح لسان الشاعر فيصل الطواله
وشكرا لك على الاختيار الجميل

[عيد بن شدقان]

صح لسان الشاعر/ فيصل الطواله


وتسلمين ياجمرة غضى
اختيار جميل
الله يعطيش العافيه

[قبلةالعجمان]

خوفي عليك العام بي مات مذعـور=اليوم خوفي منـك اكبـر شجاعـه
دام الغلا يجرح انـا فينـي شعـور=انـا عـن الهفـوات كلـي مناعـه
كرامتي فينـي لهـا كلمـة الشـور=سرت بدمي مع حليـب الرضاعـه
ياصاحبي معذور انا وانت معـذور=مايجتمع مغلي ومرخـص بضاعـه

لاهنت على اختيارك المميـــــــز

[جمرة غضى]

الله على المرور الاكثر من رائع





لاهنتووو جميعاا اعضااء متميزين في الحضوور والتواجد




تحياتي لكم



جمرة غضى

[فزاع]

صح لسانه شاعرها ومشكور على المشاركه

[جمرة غضى]

هلابك رمان


اسعدني مرورك



تحياتي لك

جمرة غضى

[سند]

جمرة عضىى

شكراً جزيلاً

تحياتي,,,