صوره من واقع مجتمعنا

[عباد]

اخواني واخواتي الاعزاء


هذه هي اول مشاركه لي بهذا الصرح الشامخ

واعتبرها المصافحه الاولي واتمنى ان تنال اعجاب الجميع

ياوقت ياللي منحني كنك القوس =
من سبتك شوف المعاليق يباس
في كل ليل يدق بالقلب هاجوس =
والهم ياخذبي مع الوقت مرواس
ماضاق بك صدري من مصادم الروس =
ولابيدوا حيلي بعيدين الارماس
بك عالمن تمشي على كل قاموس=
وعلومهم ماتنحصر بين الاقواس
شبوا لهم من منور الكذب فانوس =
وحطوا لهم من جاحد الحق نبراس
والطيب ثوبن للمشاكيل ملبوس =
والاالردي ماهو على العين والراس
مرافق الرديان مافيه ناموس =
ماينفعونك لاصبح الوضع حساس
والضرس لامنه دخل وسطه السوس =
كل الضروس تلج ويصدع الراس
ولاني مفتش في خفى كل مدسوس =
ولاني براعي صحبتن مالها ساس
اخذت من وقتي تجاريب ودروس =
وعرفت وشلون التعامل مع التاس
محدن يعزك كان ماعندك فلوس =
واسمك مع اهل المصلحه بنك الافلاس
لو انك مفرق جمع كل كردوس =
ومن روس قومن تلبس الدرع والطاس
هذا زمانن كل مافيه معكوس =
حتى الرجاء ياقف على بابه الياس

[البادع]

محدن يعزك كان ماعندك فلوس
=واسمك مع اهل المصلحه بنك الافلاس

السلام عليكم ورحمة الله وبركاته

الأخ الفاضل

"" عباد ""

صح الله ألسانك قصيدة وافية

الله لايهينك وننتظر جديدك

تحياتي لشخصك الكريم

[عـزام]

عباد

فى البدايه نرحب بك ويسعدنا تواجدك معنا يالسنافى

وقصيده يوقف دونها الحكى

وابيات وافيه يا وافى

صح السانك مدد لا عدد

ودام ابداعك

[عيد بن شدقان]

والضرس لامنه دخل وسطه السوس =كل الضروس تلج ويصدع الراس

الله الله الله


عباد
قصيده جزله من شاعر جزل



صح السانك واعتلا شانك



ولاهنت

[عباد]

صحت ابادنكم جميعا

واشكركم على المرور والاشاده


واعدكم بالمزيد

[محمد بن بريمان]

اخينا العزيز والمحترم \\ عبـــــــــــــــــاد



صح السااااااااااااااااانك لين ترضى يالسنافي




القصيده يعديها الملام وافيه وجزله من جزل



والي بقوله ان ذا القصيده تشوقني الغيرها من القصايد


ولا تبطي علينا من قصايدك الجزله



تقبل مني كل الود والاحتراااااااااااااااااام

اخيك
محمد بن بريمان ,,,

[عبدالناصر آل عبدان]

الشاعر عباد


صح الله السانك


وياهلا ومرحبا بك


ودعتك الله

[الـشـامـري]

عباد


قصيدة جزله بمعنى الكلمة


لا تبخل علينا بإبداعاتك


وصح السانك