السلام عليكم ورحمة الله وبركاته
قصيده رائعة تأثر في النفس وتبين حق الأم في البر ونتيجة العقوق بها ويصف لنا معاناة من تأخر
في إرضاء أمه وكيف تستمر معاناته وهو لا يعلم أراضيه هي عنه أم غاضبه عليه لحظة وفاتها
ومعروف لدينا أن الله سبحانه وتعالى حثنا على البر بوالدينا في كتابه الكريم وحثنا على ذلك نبيه
محمد صلى الله عليه وسلم في أحاديث كثيره من سنته الخالده الطاهره وتقبلوا مني خالص تحياتي
القلبيه وكما أتمنى أن تنال إعجابكم .................
يا يمه..... منتهي جيتك وطالب منك الغفران **^** أقبل قاعة أقدامك...... وأغسلها بدمعاتي
يا يمه........... كل مافيني يناديلك أنا ندمان **^** طلبتك قولي سامحتك وردي لوجهي بسماتي
أنا أدري قلبك الطيب كسرته بصدمة النكران **^** غلطت...... وغلطتي هذي تعير كل غلطاتي
تشوفي الشيب يا يمه ترى ما جا وأنا فرحان **^** وربي اللي رفع ذاتك...... ونزل للردى ذاتي
فقدت الراحه من بعدك فقدت الطيبه والتحمان **^** بدونك راحتي غايه.... بيدينك هذي راحاتي
أنا بعدك ولا حاجه....... أنا بعدك ترى عميان **^** أشوف.... ولا أشوف اللي يوريني مساراتي
أنا وسيد الشقا والهم.. من بعدك غدينا اخوان **^** يجيب هموم هالعالم...... ويرميها بمتاهاتي
صدقتي يوم قلتي لي...... تدين اليوم بس تندان **^** رميتك في بداياتي...... ورموني في نهاياتي
أنا من شالك بأيده...... ورماك بأسفل البركان **^** نخيتيني وطلبتيني........ ولا حصلتي نخواتي
مثل ماهنتي بعيوني...... عليهم قلبي يمه هان **^** رموني وضعتهم فزعه وأنا الدمعات فزعاتي
يا يمه.......... لاتظنيني أنا من فعلهم زعلان **^** سواةٍ فيك سويته........ وسووا فيني سواتي
يا يمه....... يالله ضميني ودفيني بهالاحضان **^** أنا أدري فيك مشتاقه..... وهمك بس ملاقاتي
يا يمه....... حيل ضميني أبي أرتاح أنا تعبان **^** تعبت أهرب من ذنوبي..... أبيك آخر مسافاتي
أبسمع منك أي كلمه لصوتك مسمعي ولهان **^** أبسمع يمه بصوتك......... بأذكر فيها نشواتي
أشوفك ساكته يا يمه... غفيتي ولا أنا غلطان **^** غفيتي يابعد عمري....... تعبتي من مواساتي
يا يمه.... طالبك قومي.... إذا لي بعيونك شان **^** أشوف الموت بعيونك.. عساها تخيب هقواتي
تعالوا يابشر... شوفوا.... أنا محتار أنا تلفان **^** أنا أمي مدري وش فيها... أنا مدري أنا أحاتي
شنو.. شنو.. أمي أنا ماتت لا لا ترى غلطان **^** أنا أمي ...ماتخليني ...على حزني.... ووناتي
أنا أمي قلبها طيب..... ولا يمكن تبكي إنسان **^** أنا أمي..... ماتبكيني....... ولا تتمنى آهاتي
يا يمه صح ما متي وصح الموت تو ما حان **^** إذا متي.... أنا بعدك..... بأقضي وين ساعاتي
يا يمه قومي يا يمه وقولي الموت لا ما كان **^** أنا جيتك.... وأنا ناوي...... أببدي فيك جناتي
تركتيني ومتي ليه....... تركتيني وأنا غرقان **^** ولا مسموح يا وليدي....... ولا تلعنك لعناتي
أنا الجاني وأنا المجني وأنا المخطي وأنا الندمان **^** وأنا بأيدي رميتك.... إيه وبعثرتها ملفاتي
وجيت من الهنا مفلس وقلبي من الضنا خسران **^** تركتيني.... على ناري..... أعدد فيك زلاتي
ولاني مرضيٍ ربي....... ولاني تابعٍ الشيطان **^** أنا بعدك...... ترى مابين نهاياتي.... وبداياتي
يا يمه..... منتهي جيتك وكلي مرتجي غفران **^** وشفت الناس تلعني....... وتحذرني من الآتي
منقول
13-12-2005, 02:36 AM
العرض المتطور
