أراك عصي الدمع..!!

[انتحار]

الكره الارضيه صارت ممله ...زحمه ضغوط من كل صوب!!

ضغط بالعمل ضغط بالشارع وزحمته ضغط بالفضاء من هالقنوات ضغط من العروس والمواجيب حتى بالدواوين ماتسلم من واحد ضغيط!!

اقلب بالفصيح؟؟
يالله نقلب

الا الأن وكوكبنا لازال دائري الشكل لازالت الاشجار متوشحه بلونها الاخضر لازالت لنا انوف واذان واصابع خمس!!

ماذا تغير؟؟
الجمع يتفق بتغير النفوس!!
نقلب عامي؟؟
يالله نقلب

يقولون كثرت الحروب والامراض والاشغال والخ الخ

طيب مالحروب من قديم الازل والأوبئه على مر العصور والانشغال قبل كان انشغالهم اهم لان انشغالهم كانت اشغال اوليه للمأكل والملبس والامان والدفأ!!

طيب انا ليش احط علامة تعجب؟؟!

يقولون الكاتب المحنك اهو اللي يستدرج القارئ بالتعجب من دون مايحط علامات تعجب!!

بس انا مو كاتب محنك
اصلا انا موكاتب

ماعندي مكتبه واوراق واباجوره ونظارات وروب

منو فاضي يصير كاتب محنك!!

وشنو اللي شاغلنا؟؟

اي والله شنو اللي شاغلنا ؟؟ على قد ماهو غبي هالسؤال ؟؟ على قد ماهي طويله اجابته ...لانها تمدد كامتداد الحديد بالحراره !! معلومه مادري عن صحتها

صرت اكره سيرة الحديد يذكرني باستغلال التجار واسعارهم الناريه للمساكين اصحاب القسائم ..

الواحد ينطر ميلون سنه على مايطلعله بيت واول مايطلع له بيت سنه سنتين الا مورثه لعياله ..

على الاقل زين الواحد يورث شي ...

بزمن تتهم بالحقد للشعور بالظلم والحرمان من "حنفيات" النفط ..وامور اخرى اجهلها
"يمكن عشان محروم"
؟

كاني قلبت فصيح بالجمله اللي طافت؟؟
ليش مانقلب اذا هويتنا صارت تقلب وصارت تعتبر مجرد فلكلور! اتكلم ن الهويه الاصل الجذور ماتكلم على قشور الهويه من دله وفنجال واررررحب بس!

على طاري الهويه ! الصقاره

ملاحظ ان الملاويح صارت كلها حمام! والحباري ..انقرضت؟؟

دام ذكرنا الحمام والحباري والصقاره يجرنا الحديث لانفلونزا الطيور!

سمعت معلومه اتناقلها وكالات الدواوين ان فيه دكتور عراقي ينكر وجود هالمرض.. وان الامريكان واهمين العالم عشان يبيعون ادويتهم .. طبعا استنتاجاته عديده وماقدر افكر فيها لان اغلبها علميه بحته ولا اقدر اجاريه بس فيه استنتاج مقنع صراحه .. يقول الدكتور فرضاً ان الطير بتايلند مصاب بهذا المرض وجا موسم الهجره وهاجر هذا الطير المصاب بالمرض ..شلون يهاجر وطيب كل هالمسافات وهو مريض؟؟ اقنعني صراحه هالدكتور ... وصرت اعتبر هالمرض "منشط" للطيور

لايطوفكم يالصقاره هالمنشط " للدعو"

قبل يومين قريت مشاركه لاحد الاعضاء ماراح اسهب بالحديث عنها لكن بتكلم عن شغله تذكرتها لما قريت المشاركه ..

في شهر رمضان المبارك كان يعرض مسلسل "الحجاج" وكنت من متابعين هالمسلسل وسبق لي قرائة سيرة حياة الحجاج وكنت اقرا خطبه لدرجة اني كنت راح احفضها من كثر ماقريت خطبه المشهوره ..المهم .. كان يتزامن وقت عرض المسلسل بترددي لاحدى الدواوين وكان الجميع من المتابعين .. اللي كان متابع حباً للتاريخ واللي كان متابع بانتظار أكشن من فرسان وخيول وسيوف واللي كان متابع رغماً عنه لان العرض كان اجباري ...المهم بالموضوع قبل كل حلقه كنت اقول لهم شنو راح يصير بصفتي اني قارئ لسيرته .. حتى وصلت للمتعه بهالموضوع .. احد رواد الديوان انفعل وزهق "لحرقي فقرات المسلسل" وقال جملته المشهوره بالنسبه لي:

كلش اللحين مو قاريها من كتاب قصة الحجاج!!!

يعني اذا ماكنت قاريها كنت راكب الة زمن وسافرة لعصر الحجاج!! يعني امور تاريخيه وحقائق غير قابله للتغيير ..يبيني أألفها يعني؟؟مدح اراد بها مذمه

كالمدح التي تلقته مؤلفة "عديل الروح" والاشاده من قبل
"بوناصر" مع حفظ الألقاب .. شي غريب اسخف اعمالنا تعرض على قنوات فضائيه خارجيه وتحضى باعلى النسب للمشاهده ..بصراحه السخيف ليس العمل ولا المؤلفه ولا طاقم العمل اذا كان هناك طاقم ..السخيف هو المشاهد..

بس ماذنب المشاهد؟؟ حياته مركزه على المشاهده..والتعليق بينه وبين اللي جالس على يمينه بس ..ويشاهد..ويمتعض..ويشاهد..ويشجب ويستنكر..ويشاهد..وريرتفع ضغطه وسكريه ..ويشاهد

واشهر ضغط وسكري هو الكاتب بجريدة الوطن "نبيل الفضل" ياكثر مايرتفع ضغطه والسكري عنده وياكثر مايتحلطم ..وصايرلي ثوري وصاحب قلم واشبهه بمعلق مباراه .. مقالاته مجتمعه للتعليق وردود على مقالات يعني مافيه ابداع واظهار شي جديد كله يبني على غيره وبقلة ادب بعد ..مرور بصاحب السيجاروعلامة التعجب اللي تمركز مقدمة مقالاته ان فلاني الفلاني قدم له دعوه لحضور الحفل الفلاني او افتتاح المعرض العلاني والكبسه والزبيدي والهامور ونهله سلامه وضغط بالفلسطينيين ..كم صارله يكتب ؟؟ والله قديم فؤاد الهاشم..

عمره عمر جريدة الوطن؟؟ ليش سموها جريدة الوطن ؟؟
عندي تسميات جديده لجرايدنا
جريدة الوطن (جريدة الطوائف والعنصريه)
جريدة الراي العام(جريدة بلاي بوي)
جريدة السياسه(جريدة شارع الهرم)
جريدة القبس(جريدة لاتلعب بالنار)
فيه جريدة نسيتها؟؟
اي صح
جريدة الانباء (جريدة سماط او سفره لطلبيات المطعم)



تدرون ؟؟

ودي امسح الي طبعته هذا كله ..بس ليش؟؟ الكتابه بالمنتدى ابلاش مايضر !

[ال محفوظ العجمي]

والله .. صح لساااانك مليون ..


لو بقول غير كذا ما اوفيك حقك

[ناصر بن فالح]

(انفلونزا الطيور)

اعجبنتي سالفه الدكتور العراقي واريد ابدأ من عندها

تعرف الدواوين هالايام الواحد فيها (خنفشار)

يعني كل شي تجده عندهم من معلومات واشاعات ومايدور خلف الكواليس

سمعت ان المرض هذا مثل سم الحيه تنقله الطيور

في جسدها دون ان يسبب لها شي يعني لايؤثر عليها في المهاجره 000

نروح لسالفه البيوت وتأخر توزيعها

مشكله البلد ان فيه فئه معينه تسيره

اغلب الاراضي لتجار وهم حبايب الحكومه

وتخدمهم الحكومه بتعطيل توزيع المنازل ليطَر المواطن على شراء بيت

لانه اصبح حمل ثقيل على والده هو وابنائه او ذبحه الايجار00

وبالشكل هذا يرتفع العقار

ويصب في مصلحه من ذكرتهم سالفا ّ

عديل الروح وابوناصر الله يطول في عمره

يقاس نجاح الفيلم بعدد التذاكر المباعه من الشباك

واعتقد لو مسلسلات فجر السعيد تحولت لسينما لا نفذت الكميه

اكبر دليل على ذلك يكفي اني لم اجد صحفي او منتدى او ديوانيه او او او

لم تحارب اعمال فجر السعيد000

وذلك يدل على متابعتهم لاعمالها (القيمَه )

فؤاد الهاشم يبدأ المقاله دعاني فلان الفلاني ونحن في ماربيا في اسبانيا

او في برمانه او في وفي

ويبقى الكاتب الاول في الكويت

لعده أسباب لانه ماتعرف له مذهب ويحارب جميع التيارات

ثانيا لانه لايتطرق لقضيه الا وتتم معالجتها بسرعه فائقه

جريدة الانباء (جريدة سماط او سفره لطلبيات المطعم)


وصلت القمه لكن لم تعرف كيف تبقى على القمه

حتى اذكر انها طغت صارت بــ150 فلس

محاور الموضوع عديده

راح ارجع للبقيه في وقت لاحق

[بن عجمـــــــــــــى]

الاخ انتحـــــــــــــار
شكراا على ما سطرت
من حديث رائع

ولا هنتــــــــــــــــــــــــــــــ

[الباشا]

الاخ الكريم

انتحار

لاهنت اخوي ما جلبت لنا

ولك الشكر

[انتحار]

المشاركة الأصلية كتبت بواسطة ال محفوظ العجمي

والله .. صح لساااانك مليون ..


لو بقول غير كذا ما اوفيك حقك

صح بدنك
لاهنت
لاهنت

[انتحار]

المشاركة الأصلية كتبت بواسطة ارسطووو

(انفلونزا الطيور)

اعجبنتي سالفه الدكتور العراقي واريد ابدأ من عندها

تعرف الدواوين هالايام الواحد فيها (خنفشار)

يعني كل شي تجده عندهم من معلومات واشاعات ومايدور خلف الكواليس

سمعت ان المرض هذا مثل سم الحيه تنقله الطيور

في جسدها دون ان يسبب لها شي يعني لايؤثر عليها في المهاجره 000

نروح لسالفه البيوت وتأخر توزيعها

مشكله البلد ان فيه فئه معينه تسيره

اغلب الاراضي لتجار وهم حبايب الحكومه

وتخدمهم الحكومه بتعطيل توزيع المنازل ليطَر المواطن على شراء بيت

لانه اصبح حمل ثقيل على والده هو وابنائه او ذبحه الايجار00

وبالشكل هذا يرتفع العقار

ويصب في مصلحه من ذكرتهم سالفا ّ

عديل الروح وابوناصر الله يطول في عمره

يقاس نجاح الفيلم بعدد التذاكر المباعه من الشباك

واعتقد لو مسلسلات فجر السعيد تحولت لسينما لا نفذت الكميه

اكبر دليل على ذلك يكفي اني لم اجد صحفي او منتدى او ديوانيه او او او

لم تحارب اعمال فجر السعيد000

وذلك يدل على متابعتهم لاعمالها (القيمَه )

فؤاد الهاشم يبدأ المقاله دعاني فلان الفلاني ونحن في ماربيا في اسبانيا

او في برمانه او في وفي

ويبقى الكاتب الاول في الكويت

لعده أسباب لانه ماتعرف له مذهب ويحارب جميع التيارات

ثانيا لانه لايتطرق لقضيه الا وتتم معالجتها بسرعه فائقه

جريدة الانباء (جريدة سماط او سفره لطلبيات المطعم)


وصلت القمه لكن لم تعرف كيف تبقى على القمه

حتى اذكر انها طغت صارت بــ150 فلس

محاور الموضوع عديده

راح ارجع للبقيه في وقت لاحق

عاد انا من هواة القعدات الخنفشاريه ..تعرف اذا مافيه خنفشاريه مافيه افكار متجدده والقعده تصير
ممله

ولافيه حكايات جديده عن احباب الحكومه ولا التشييش عليهم ويقل الدافع عندك وتقعد اتابع مسلسلات
مثل عديل الروح ..

وتقرا مدح هالمسلسلات من كتاب" بحـــــــــــــــــجم "فؤاد الهاشم لما يكون معزوم على افتتاح دواني

فلانه الفلاني على "جاي الضحى" بوجود بيبي المرزوق اللي حطة خبر اشادة بوناصر لفجر

السعيد ...بالصفحه الاولى بجريدة الانباء...خبر مثل هذا صفحه اولى !!

شخليتو لاخبار ارسطوو اجل؟

[انتحار]

المشاركة الأصلية كتبت بواسطة بن عجمـــــــــــــى

الاخ انتحـــــــــــــار
شكراا على ما سطرت
من حديث رائع

ولا هنتــــــــــــــــــــــــــــــ

هلا وسهلا
فيك

بن عجمـــــي

نتمنى وصول "التسطير" الكتابي للغايه عن "تسطير" الخدود والكروش

[انتحار]

المشاركة الأصلية كتبت بواسطة الباشا

الاخ الكريم

انتحار

لاهنت اخوي ما جلبت لنا

ولك الشكر

هلا وسهلا

فيك ايها الباشا

اسعدني المرور

[الوايلي]

يعطيك العافية على ما طرحتة

من كلمات معبرة عن احساسك