مشغول بمريكا

[مشغول]

سلام اول
الان ودخل صيف سنه 1994 وبدات الاجازه الصيفيه
وكان لنا سفره على حساب الدوله لامريكا لمده شهر ولحظور العيد الوطني لمريكا
وذهبنا وكان مجموع المسافرين على حساب الدوله 24 والمسؤولين 6 بينهم الرئيس لرحله
وكان معاي 2000 دولار لان كل شي على حساب الدوله بس فلوس الهدايا حاسب حسابها فقط
ويكون خط الرحله : كويت - لندن - نيويورك - عده ولايات في امريكا
ماطول عليكم بعد ثلاث اسابيع من الرحله وكان مع صديق الله يذكره بالخير قال لي خل نروح نلعب قمار
انا قلت لا بعدين نخسر ومن هالحكي قال ماعليك خل نجرب
المهم نزلنا جربنا بالمول ( سوق )
لعب قمار بس ماطلع فلوس تطلع كروت عباره عن كابونات مشتريات وكل ماجمعت اكثر تاخذ اكثر
والله لا يوريكم خسرنا فيها فلوسنا اللى بجيوبنا وردينا مشي للفندق

طبعا حني عرب لازم مانخسر بالمعركه وقلنا بنرجع بكره ونعوض اليوم على شان مرتبكين بكره بيضبط الوضع هههههه ومن باجر وروح نلعب ويروح اليوم مادرينا عنه المهم خسرنا كل اللى معانا
وشافنا مسؤول كان يمشي بالسوق ونادانا قال تلعبون قمار قلنا اي قال عسي رابحين قلنا لا خسرانين صارلنا يومين نخسر وضحك قال هذا انتو دايما خساره ومشينا معاه للفندق
المهم قلت لصديقي الدجه القمار مايونس ولا نافع معانا شنو نسوي قال مافيه اللى نروح لديسكو
قلت خاف يطقونا يشوفونا عرب
قال لاتخاف المهم كلمنا الرسبشن قلنا نبي ديسكو قريب قالو تبون سياره توصلكم
قلنا اى وطلعولنا سياره مع سواقه بنت وودتنا لديسكو ونطرتنا عند الباب لما طلعنا
واستانسنا وايد لان اول مره نشوف نفس هالمكان
ولما ردينا الفندق طبعا تعبانين مو نايمين قالت السايقه هذى فاتوره تدفعونها حق التوصيل
قلت لرفيقي( شسالفه ياولد ) !!!
الفندق اللى قبل يوصلنا ماياخذ فلوس هذي تبي فلوس المهم قلنا عطيها الرسبشن لما نطلع نحاسب
يعني صايدينها قالت اوكي ودشت معانا وقالنا الفندق اذ تبون تحاسبون بعدين باخذ منكم 10% على الفاتوره قلنا مو مشكله كان السعر تقريبا 600 $
بعد يومين الرحله للكويت ولما حاسب المسؤول عن الرحله الفندق طلعا على غرفتنا انا ورفيجي
حساب السياره وجانا معصب قال انتو ماخذين الكاديلك مال الفندق ورايحين ديسكو رفيقي قال اى رايحين لديسكو
قال مو عيب انا لما ارد للكويت ببلغ اولياء اموركم قلنا بلغ يعني شنو مخوفنا
قال طيب يصير خير وكان يهددنا وطلب منا فلوس السياره انا قلت ماعندي فلوس
ورفيقي قال خل ندفعها لاتصير مشكله قلت انا اسف ماراح ادفع عندي شويه فلوس بشتري فيها هدايا حق الكويت
المهم قال انا بكتب فيكم كتاب وراح تدفعون قصب ولا بخليكم بمريكا
قلت احسن يابو ... خلنا بمريكا شدعوة عاد نبي نروح للكويت عقب اللى شفناه هني
وانا كنت اضحك
وبعدين رضي بالامر الواقع ودفع الفلوس اللى كان يصرقها من ميزانيه
ورجعنا الكويت بشهر 8 سنه 1994
وبالمره الجايه بكتبلكم قصتي لما رجعت لمريكا وتصلت على اصدقائي اللى عرفتهم
عاد القصه اللى بكتبها لزيارتي لمريكا الثانيه ماكان فيها عرب بس انا
والباقي مكسيكان وعبيد وشقر
على قولت مفرح الضمني لو معك بندق تحملك لواري

شكرا للجميع من قراء القصه

[العنــــــــــود العجمـــــي*]

مشغووول

طلعت صايع..ههههههه

ننتظر التكمله.....

[العنــــــــــود العجمـــــي*]

مشغووول

طلعت صايع..ههههههه

ننتظر التكمله.....

[والله ماكان الفراق اختياري]

لا هنت يا مشغول


وننتظر جديدك

[سند]

لاهنت يامشغوول

وننتظر الجديد

تقبل تحياتي,,,

[مشغول]

المشاركة الأصلية كتبت بواسطة @بنـت راكان@

مشغووول

طلعت صايع..ههههههه

ننتظر التكمله.....

هذا وانا ماكتبت اللى اخر يومين قبل لارد
لو كاتبلج شنو صار بتكساس هههههه
كان طلعت مصورج من جنبك

[بن عجمـــــــــــــى]

لا هنت اخوى العزيز مشـــــــــــــغول
والله يعطيك الف عافيـــــــــــــــــــة على هالقصة
بانتظار تكملتهاااا
كل التقديــــــــــــــــر لك

[مشغول]

المشاركة الأصلية كتبت بواسطة بن عجمـــــــــــــى

لا هنت اخوى العزيز مشـــــــــــــغول
والله يعطيك الف عافيـــــــــــــــــــة على هالقصة
بانتظار تكملتهاااا
كل التقديــــــــــــــــر لك

جعلك تبطي وانت حي يا ملح المنتدى

[العنــــــــــود العجمـــــي*]

مشغول..اكتب لنا سالفة تكساس...ههههه


عنــــدي طلــــــب منــــــــك اذا قلـــــــت لـــــــي تــــــــم .......بطلبـــــــــــه.....

[مشغول]

المشاركة الأصلية كتبت بواسطة @بنـت راكان@

مشغول..اكتب لنا سالفة تكساس...ههههه


عنــــدي طلــــــب منــــــــك اذا قلـــــــت لـــــــي تــــــــم .......بطلبـــــــــــه.....

بكتب السالفه اللى تبينها

شنو الطلب يا بنت الاجواد ؟

؟