السلام عليكم طاروق ياعزام لاهنت 0 0 عزام ياعزام لو مابه احرااج = وانت الحكيم وهرجته ماتخونه والبيت خالي من رجل كل دوااج = قالو قصير البيت بيحول دونه
الله الله الله يادشنان صح السانك
8 8 صح بدنك ياعيد والله يجيب عزام ومرورك تشريف يالقرم
مرحبا بك يا دشنان عيد بن شدقان لا هنت على المتابعه استلم يا دشنان.. ياللى تصوّت حاضرٍ جاك الافراج=واللى سواتك ننطرب من لحونه البيت ما هو فى رجا الجار محتاج=عامر وشامخ والعرب فى ركونه
__________________
حياك الله ياعزام استلم 0 0 مافيه شك البيت شامخ ووهاااج = كلن سمع باذنه وشافت عيوونه لكن بدال الفوج صارت به افوااج = يلله دخيلك اشهد انها رعوونه
الله يحييك استلم يالقرم.. البيت يجمع من بريده والافلاج=من ماضى الازمان تذرى حصونه والرجل يعرف كل مدخل ومخراج=ولا خير فى اللى يرتضى بالمهونه
مسيك بالخير ياعزام استلم 0 0 ماجبت لي الزبده ولا قشطة التاااج = والدبلوماسية تراها حنوووونه وين الجوير وين مصلح وهدااج = قلي وش اللي عندكم تسمعوونه
مرحبا بك استلم لا هنت.. كلن على نهجه وكلن بمنهاج=اللى كشت واللى قنص فى حبونه واللى دخل فى سجن من دون مزلاج=مسجون رايم ساجنه فى سجونه
صح لسانك استلم طال عمرك 0 0 اسلم وسلم والسموحه من ازعاااج = علماً بغيته والعرب مايبوونه كم من جمل قد راح محسوب ياحاااج = واللي بقى ماظنتي يربطوونه بيض الله وجهك ياعزام وانا استفدت من اللعب معك كثير والخاتمه عندك يابطل
صح بدنك ولا هنت يا دشنان وانت شاعر جزل يشرفنى العب معك
تصميم : طريق التطوير لحلول الإنترنت والتصميم DevelopWay.com
15-02-2006, 01:33 PM
العرض العادي
