لا تمـــــــــــــــــــــوت الملعبه؟؟؟؟

[عبدالله-العجمي]

لاتموت الملعبه يالربع يا مالا الغنيمه=الجواهر مالها في سوقنا بايع وشاري
عقب ما مات الثبيتي صار ما للشعر قيمه=ذا حديث موثقه مسلم وراويه البخاري

[عـزام]

مرحبا بك يا عبدالله

واستلم لا هنت..

اجلب اللولو مع الياقوت تلقى من يسيمه=ما نلد العين فى اللى صنفها صنفٍ تجارى

يرحم الله من توفّى من بقى ربى يديمه=كل عصرٍ له رجال وكل عصرٍ له موارى

[موهووووب 2000]

ياااااااسلام الله يعطيكم العافيه كلكم عبدالله العجمي وعزام والله شعراء من الوزن الثقيل

وعلي قولتهم
( صراع الجبابره )

وأنا معك ياعبدالله واقف بالصف ابن عمي ولاني مخليك وأزهل الصفوف

تقبلوا تحياتي

[عـزام]

يا مرحبا بك يا موهوووب وصح بدنك

وانا بعد فى صف عبدالله

لا هنت على المتابعه

[عبدالله-العجمي]

يا مرحبا يا عزام مليوووون

ومثلها لموهوب

[عبدالله-العجمي]

استلم لاهنــــــــــــــــــــــــت

جعل رعاد المزون اللي رعد تقفاه ديمه=تمتلي منه الفياض الجرد ونشوف الخباري
كل ما جينا نحط اشدادنا من فوق ريمه=أكثر العربان ياعزام تطري له طواري

[عـزام]

طيب طيب

استلم لاهنت..

انت تحلم تالى الايام واحلامك سقيمه=دون ريمه حالوا الظفران وذياب الغدارى

التمنّى والتطلّب يا العقول اللى فهيمه=ما توديكم ديار وما تسريكم مسارى

[عبدالله-العجمي]

والله اني يا طويل العمر راضع من حليمه=أنت داري والمثل يقول ابن ذنبوح داري
يرتعد قلبك ليامن شفت أبوعين(ن)كريمه=كل ما شفته تذرا يا عميلي بالمذاري

[المستفسر]

يرتعد قلبك ليامن شفت أبوعين(ن)كريمه

[عـزام]

عوّدت ريمه عقب تابت لعادتها القديمه=كل ما قلنا تتوب من المسارى فى الحوارى

ابن ذنبوح السنافى فيه عز وفيه شيمه=وانت مخلف جرته حزبك مع الحزب اليسارى