الحر يفهم.. والبهيمه بهيمـــــه..!!!

الطرقي · #1 08-02-2006, 06:38 PM

اخواني الأعضاء.. اعتذر لكم عن الانقطاع..

واترككم مع هذا الرائعه..

شـــاب القصيـــــد

شاب القصيد.. وباقي الهم ماشاب=نعيم فكري.. ماتجاوز جحيمه
يوم انفتح معناي للحرف.. وانساب=للحزن قيمه.. وأصدق الشعر قيمه
نويت أميلها غزل.. وأكسب اعجاب=حديث عشقٍ.. من نديم لنديمه
لكن حضر (هم الشعر).. والغزل غاب=جا للشعر بين المحاني حطيمه
من يحترق.. ماله عن النار مجناب=وماهو بشرط.. إن العواقب سليمه
والشعر لو جاله جماعات.. وأحزاب=زيف المشاعر.. لا تمادى ذميمه
ياشينها لا طولت.. (حرب الأعصاب)=ماينتصر فارس.. ولا من غنيمه
ماجا بدون حساب.. ماجاله حساب=((والنصر لا جا سهل مثل الهزيمة))
((احدٍ عرق وجهه من الوقت صباب=وأحدٍ عرق غيره مسبب نعيمه))
للفعل روّايه.. وللمجلس آداب=وللمستقيم أفكاره.. المستقيمة
الصفحة اللى ضيعت جهد كتاب=وجودها وسط المجلد.. جريمه
من عابها.. يفتح على الناس له باب=يشيب راسه.. ماعرف من خصيمه
ومن غض طرفه ضاع.. والوقت غلاب=والعقل نعمه.. والجهاله عقيمه
إلى متى..؟!! زود (التفاخر بالأنساب)=العز من توج جديده.. قديمه
كبوة جواد (الروس).. من حظ (الأذناب)=وبعض الأسامي.. جت لأهلها ظليمه
بس العزى.. ماينقص النار مشهاب=من شذ محرومٍ.. عساه الحريمه
والفعل بيت.. وعزة النفس الأطناب=يبني على الشيمه.. ببذل وعزيمة
ولو نظرة العالم لنا.. (بدو وأعراب)=حنا الأصول الثابتات المديمه
حنا بنينا المجد.. من قو الأسباب=تاريخنا.. طب العقول السقيمه
مايلغي التاريخ.. (تظليل الأغراب)=((الحر يفهم.. والبهيمه بهيمه))..!!

للشـــاعر.. عبيد الأزمع ابوثنين

طيّب الله أوقاتكم

الطرقي

سعود بن مهدي · #2 09-02-2006, 12:33 AM

إلى متى..؟!! زود (التفاخر بالأنسـاب)
العـز مـن تـوج جـديـده.. قديـمـه
كبوة جواد (الروس).. من حظ (الأذناب)
وبعض الأسامي.. جت لأهلهـا ظليمـه

عبيد ؟

سلام عليك قسم بالله انك شاعر وكايد مشالله عليك

والقصيده جزله وممتعه وابدعت في سبكها الرائع

لك اطييب واجمل تحيه

الــغــالــيــة · #3 09-02-2006, 12:47 AM

والفعل بيت.. وعـزة النفـس الأطنـاب = يبني علـى الشيمـه.. ببـذل وعزيمـة

صدق الشاعر .. صح لسانه

لا هنت على نقل القصيدة اخوي الطرقي .. اختيار في محله طال عمرك !