قصيدة مهداه للرائد /فالح بن فهد العجمي

[الشرقي]

هذه القصيدة مهداة للأخ الرائد في جوازات الجبيل / فالح بن فهد العجمي
وموضوعها انني اتيته في معاملة ولاقصر بيّض الله وجهه ووجيهكم جميع
وفعل الطيب ماهو بغريب عليه وعلى اللي هو منه وجعل العود اللي ارّثه في الجنه :

اقول :-
ليت كل مثل فالح إلى من جا اللزوم = يبشر بعزه رفيقٍ وابن عمٍ نصاه
استحق التاج بالفعل من عقب النجوم = فعله الطيب مرقيه والمنصب زهاه
جعل يسلم ويترقى وتفداه الرخوم = والله يعزه ويجعله دومٍ في حماه
يوم جيته ضايق الصدروبقلبي هموم = جعل يسلم فز من يوم موضوعي قراه
عادة الطيب إلى صار من ربعٍ قروم = لا ذكر له طيب في الشامخ العالي رقاه
وارث ان الطيب ورث معى زين العلوم= امن ابوه اللي على الطيب قدم له وصاه
من سلايل لابةٍ لاغدى في الروح سوم= يرخصون العمر للي خلقهم في سماه
ياسلاطينٍ المجالس يلين تغير قوم = يصبح السلطان شيطان وتفور دماه
من ظهور الخيل من يضربونه مايقوم= كم عقيدٍ هم سبايب صوابه والوفاه
امدح العجمان واقول يازين الســلوم = وياسلام الله على كل من زيّن نباه

اخوكم/سالم بن عبيد ابوشريده المري

[فزاع]

صح لسانك
ولاهنت
على النقل الرائع

[عيد بن شدقان]

يستاهل فالح بن فهد العجمي


وصح السانك يالمري

ولاهنت



وتنقل القصيده الى القسم الخاص بقصائد الاعضاء

[بندر]

يستاهل فالح
وأنت ماتمدح الا الطيّب
صح لسانك
ولاهنت

[سعد بن صياح]

يستاهل جعل عمره طويل ومن يقرا

وانت تستاهل اللي يقوم معك يامري اخ وابن عم


صح الســــــانك

[الشرقي]

ماعليكم زود ,,وفالح يستاهل المدح ,,مرحبا بمروركم الغالي

الشرقي

[صاحب السموء]

ستاهل المدح


وانت تستاهل الخدمه


ما قصرت وصح لسانك


تحياتى للجميع

[عـزام]

الشاعر سالم ابو شريده

قصيده وافيه وجزله يالقرم

ويستاهل اللى يفعل الطيب وانت تستاهل

صح السانك واعتلا شانك

[تايه الغربه]

فالح ابن فهد
معرووف وذكره طيب .. وبيض الله وجهه عند بني عمه ..
ويستاهل المدح ..

وصح الله لسانك يالمري ..!!
ولا هنت يالقرم ..!!


ارق تحيه ..!!
سلالالالالالالام ..!!

[الشرقي]

ماعليكم زود ,,وفالح يستاهل المدح ,,مرحبا بمروركم الغالي

الشرقي