بسم الله الرحمن الرحيم
السلام عليكم ورحمة الله وبركاته
أعتقد ماهي من الحكمه ان نتهم بعضنا البعض ولا نلقي التهم جزافا ولا نقول آل فلان ماحظروا وآل فلان حريمهم ماحضروا ، العجمان ومطير تحالفوا في الصباحيه وصارلهم يتحالفون اكثر من 20 سنه ومحد راح ديره الا بتكاتف جميع القبايل في المنطقه ذاتها بقيادة العجمان ومطير وخصوصا في هذه الأنتخابات تطور الأمر الى ابعد بكثير من التنافس الشريف ووصل الأمر للتشهير والتجريح فبسئل سؤال شنو نتيجة هذه الممارسات ..... غير الزعل ووقفة النفس مع عيال عطا بعيد كل البعد عن المسائل الأنتخابيه ومهما كل لاننسى انا حنا ويا العوازم اخوان وجيران وناس صدوقين اذا عطو عطو من غير منه فمسألة واحد مطلع براشيم او مسرب امتحانات نقوم الدنيا ولا نقعدها ومسألة غانم الميع يقول حنا فدوايه آل صباح ابشركم اللي يقول على الملأ وعلى العلن احسن مايقعد يزايد على نفسه وبعدين يقول اكثر من الكلام بكثير ...
سؤالي اللي اعتقد هو السبب الثاني
هل هذا رقم العوازم وعنزه في الرقه اللي جابوه ؟؟؟؟؟
الجواب لا
فمن الصعب بل من المستحيل ان يكون هذه رقمهم .... تدرون شنو اللي عملوه جابوا حصان طرواده خدعونا فيهم ... أستبشرنا لما كثرت التحالفات في الرقه وضمنا الكراسي ووصل الأمر حتى بعض الربع يباركون بنجاح العجمان في الرقه وحتى في هذه المنتدى أصبحتوا للأمر واثقين وفي نفس الوقت رموا ثقلهم كله الى عكاش والكندري وحتى الكندري مو كلهم عطوه ففيهم من لازال يحفظ حق الجيره معاتا وعلى فكره الكندري وعكاش لهم قبول كبير في المنطقه وهذا عامل آخر يصب في مصلحتهم .
ياجماعه الأنتخابات لعبه وصخه وفي نفس الوقت منافسه شريفه اذا ماعرفنا نلعبها صح وفي نفس الوقت نتنافس بشرف من الأفضل انه نبتعد عنها توفيرا للجهد وللمال ولحفظ ماء الوجه
في دائره 21 سعدون العتيبي وهو نائب مجلس وطني سابق وهذه بحد ذاته وصمة عار في سجله ، كان هو الأقرب للأصوات عتيبه ومطير والحضر والشيعه والقرويه اهل الفنطاس ومن هم تجاهلناهم وهي الأقليات فنجح فأخطئنا الخطأ ذاته في دائره 21
ولكن انظروا للوجه المشرق كسبنا مجلس قوي يحافظ على مكتسبات الشعب ويصون الدستور وقيمنا الأسلاميه بأذن الله
آآآآسف للأطاله
وهذه وجهة نظري المتواضعه
01-07-2006, 06:48 PM
العرض العادي
