اقتباس:
|
المشاركة الأصلية كتبت بواسطة عبدالرحمن الخالدي
اهداء الى الاخ سمو الشيخ ناصر بن حمد ال خليفه نجل جلالة ملك البحرين
وحفيد المرحوم بأذن الله حسن الخريش العجمي بمناسبة تخرجه من كلية سانت هيرست العسكريه
"
"
"
الا يا شعري اسمع واستمع وانصت لي الاذان =ابيك تقوم بمهمه .. وغيرك ما يسويها
ابيك تجيب لي احلى المعاني باعذب الالحان =ابيك تجيب ابياتٍ تبيض وجه راعيها
ابيك تغوص في بحر الفكر وتجيب لي كل دان =قصيده حروفها بماء الذهب والدر قوافيها
قصيده ما كتبها قبل هذا انس والا جان =قصيده للكريم ابن الكرام اليوم ابهديها
ابيك تطير في جو السما ثم تفرد الجنحان =كأنك حرٍ اشقر شاف له صيده ويبغيها
ابيك تروح حق- ناصر- اخو نجلا -عظيم الشان=تقبل هامته وهذي القصيده عنده تلقيها
وبارك هالتخرج له - عسى يبارك به الرحمن=ووصل له تحياتي من اولها لتاليها
انا من شفت تخريجه نزل دمعي على الاوجان=دموع الفرْح زارتني وقمت اضحك وانا ابكيها
اشوفه وسط تخريجه كأنه ليث في الميدان =عسف هالعسكريه ثم تعلم كل مباديها
الا منه تهيأ بالسلاح يسمّع الطرشان =يشيل البندقيه والخطاوي بهون يمشيها
تشوفه بالمسير بهيبه كنها هيبة السلطان =بخطوة عسكريه تهز لندن مع ضواحيها
ويوم ان سيدي تاج الملوك يلبسه نيشان =تمنت هالنياشين ان في صدره يخليها
اجل وشلون وما تجيب التفوق وانته كحيلان =كديش الغرب تسبقها ثم غبارك يغطيها
تبي تعرف بان انته حبيب الشعر والاوزان = وان اشعاري تفرح بك اذا اسمك طرى فيها
انا باقول بك شطرٍ يشيل اسمك بلا نقصان =يشيل اسمك وافاخر بك وانا شاعر واسويها
سمو الشيخ / ناصر بن حمد بن عيسى بن سلمان=قصيدي شال اسمك والتحيه لك يأديها
خذيت الطيب من عيسى وحسن يا طيب الجدان =وابو سلمان اهدى لك صفاته وصرت راعيها
وانت الوائلي اللي خواله صفوة العجمان=الا يا طيب قومن انت يا ناصر بناخيها
خذيت المجد من عز الخليفه وخذت من راكان=مكارم تعجز حروف الشعر يا شيخ تحصيها
ومجدٍ شامخ ٍ عالي تسير بذكره الركبان =مكارم ساكنه ذاتك عجز شعري يوفيها
انا جيتك ابارك لك لان انته وانا اخوان=قصيدي شال اسمك والتحيه لك يأديها
|
اخي العزيز الشاعر\عبد الرحمن الخالدي
صح السااااااااااانك واعتلا شاااااانك
وابو حمد كفووقدها وقدود
وعزالله انه راعي مواجيب ويستاهل
وماعليك زود يالقرم
ونعم فيك ونعم ابربعك القروم
ولي الشرف اني من اول من رد عليها
جزل وماتجيب الا الجزل
تقبل مني كل الود ولاحترااااااااااااام,,,,
__________________
لا تقول تكفى كان تبغيني (ارتاح)=تكفى لها يومٍ صعيبٍ مجاله
من يومها برواح نعطيكم (ارواح)=واليوم بلا صوت ماله جماله
خيالة السمرا إذا المنتخي (صاح)=إنطيش من روسٍ تقادح شكاله
مــحــمــــد بــن بريــــــــــــــــــــمان
13-08-2006, 12:11 PM
العرض العادي
