البنت و المدرسه

saprj · #1 18-09-2006, 11:20 AM

هذي كلمات تحكي قصة وحده من البنات مع مدرستها .... وواضح إنها تحب مدرستها واجد ...

أفطر الصبح زيتونه......وأروح المدرسة مزيونه

أرجع البيت مهمومة......وشكلي كأني مجنونه

أذاكر ليل ونهار......وأصبر عالألم والنار

مع هذا أجيب أصفار......وما أطلع من الشطار!!

والله إني مظلومة......كله من أبله ميموونة

الحصة الأولى فاضيين......والثانية علينا دين

والثالثه رياضيات......جاتنا أبله عطيات

مليت أنا من هالحصص......كل يوم نفس القصص

تعبت أضرب وأقسم..أحل معادلة أو أرسم

عاد درس الصرف......ما فهمت منه ولا حرف

أما قسم الأعراب ......ما بفهمه ولو شاب الغراب

ما أعرف أكتب تعبير......وما أفرق بين المفرد والجمع تكسير

بوصف لكم معلماتي......ياللي نكدن لي حياتي

نبدأ بأبلة العلوم......هذه تخص عمي سلوم

وعاد أبلة الفنية...... شكلها مره جنيه

أبلة العربي......فالحة بس في ضربي

وأبلة الأنجليزي......تاكل رطب خنيزي

وأبلة الموسيقه......تتمنى تصير رشيقه

وأبلة الجغرافيا ......تمشي وهي حافية

وأبلة التاريخ......تصنع طايرات وصواريخ

وأبلة التربية الأسرية......راعية الفرن والصفرية

أما المعلم الخصوصي......ما ادري؟؟يتكلم روسي

يوم السبت نسيت فلوسي......والأحد انقلعت ضروسي

في الحصة سرحانة......للبيت ولهانة

تعب راسي من التفكير......وعقلي شوية وبيطير

يا ناااس رحموني......وبالنجاح ادعوا لي

( من الإيميل )

Bdwe_989 · #2 18-09-2006, 11:23 AM

هههههههههههههههههههههههه
عزا الله انها تحب المدرسه حيل
لاهنت اخوي على القصيده وصح لسانك

saprj · #3 18-09-2006, 02:21 PM

و لا أنت أخوي بدوي ...و صح بدنك

وهي المسكينه تحب المدرسه ...بس يمكن المدرسه ما تحبها ...

و كل الشكر لك على المرور و التعليق

كويتي · #4 18-09-2006, 02:25 PM

عزااااااااااااااااه يا حيات الشقى
مشكلة الطالب لاصار مندبلة كبده
من المدرسة يبي فرقاها

لاهنت سبرج

كويتي

المسك الاذفر · #5 18-09-2006, 02:28 PM

يامااااااااااااااااااااال فرقى العين

ذكرتني بمأساة المدرسة وشبح الابلات...

لاهنت سابرج..

saprj · #6 18-09-2006, 02:29 PM

ولا أنت أخوي كويتي ....

و مندبله كبده و إلا ما هي مندبله ...لازم يواجه ...

و كل الشكر لك على التواصل ...

saprj · #7 18-09-2006, 02:33 PM

و لا أنتي أختي مطرطشه ...

و مأساة المدرسة و شبح الأبلات صرنا نتذكره و نضحك عليه ...

إلا ما مرت عليكم مثل أبله ميمونه ....

و كل الشكر لش على المرور و التعليق

الــغــالــيــة · #8 18-09-2006, 02:34 PM

هذي وينها ووين النجاح وهي بالحصة سرحانه

قصيدة حلوه كتير كتير خيو سااابرج

يسلمووووو

المسك الاذفر · #9 18-09-2006, 02:37 PM

انا طووول عمري مظلومة من شبيهات ابلة ميمونة الملعونة

ودايما امي تقول هي الصح وانت الغلط هي وش مصلحتها تحط عليك

عنايد · #10 18-09-2006, 02:38 PM

انا اقول اللة يعينا احنا يا المدرسات

مافي شي يترس عيون طالباتنا

ما في الا نكتب لهم الواجب ونحل بدالهم الاختبارات !!!

عشان يرضون عنا

تحياتي لك أخوي( سابرج ) على القصيدة الظريفة