للقلوب الغافله

[منصور بن منيخر]

مساء الخير للجميع,,,

كف العتب من بيننا يا بن الحلال=أن كان تبغيها تسير القافله
عيش الحياه ولا يخدّرك الخيال =دنياك هذي بالمشاكل حافله
جنوب وألا رحت في فالك شمال=رزق البشر رب الخلايق كافله
في أول شهر لابد ما يطلع هلال=عقبه قمر نور النجوم الآآآفله
أصبر علي جور الزّمن صبر الجمال=وصندوق قلبي من لساني قافله
مال الأمور الكائده غير الرجال=والنصح طب(ن) للقلوب الغافله
لا تستمع هرج البشر قيل(ن)وقال=وعلي البسيطه من صفاء لك صافله
آمنت بالله ما علي الخالق محال =ونفسي من البارح تراها قافله
والله سبحانه عليه الأتكال=في الكعبه المسلم رجاء طوافله
و هجسي تعوّد للتماثيل الجزال=والقافيّه شبه المهاة الجافله
أو خفرة(ن) من زينها أطغاها الجمال=ترقص طرب في عرس أهلها حافله
بين العذارا وصفها وصف الغزال=علي بنات الجيل هذا نافله
وأنا لها وقت الشدايد راس مال=الهزل يا أهل الهزل بفمي تافله
وترسي كما ترسي علي الأرض الجبال=والقاف راسي لا غضب عسّافله
يشرب من الغيمه علي روس الطوال=تمطر علي كفّي وأنا غراّفله
خسران من ساسه علي الجرف الهيال=سوق الذّهب يصرف وأنا صرّافله
والقاف لامنّه سري سود الليال=بين الضمايرهاجسي كشّافله
درب الرجال أهل الوفاء ما به ميال=ومن هو تعدّي حدّنا وقّافله
الحر صاد الجزل ما صاد الهزال=من فوق كفّي لا طلع وش شافله
تلقي الأجابه من بعد طرح السؤال=لا تنسدح قدّام وجه الحافله
لكن هذا اليوم للواقع تعال=تشهد علي بعض الحروف السافله
من قال لك هذا حرام وذا حلال=للشعر شاعر والشّويعر عافله
ورّد هواجيسك علي الجم الزلال=هداج تيما والجمر ينضافله
وأخير من هرج القفي مشيّ العدال=صل الفروض الخمس قبل النافله

[ffahad]

ابداع قصيده جميله

معنى ووزن وقافيه

[منصور بن منيخر]

الاخ فهاد لا هنت وبيض الله وجهك
مشكور هذي شهاده من متميز
شرواك لا هنت

[ابو راكان *]

صح لسانك يابن منيخر
قصيده رائعه

[منصور بن منيخر]

متيه العشرا
صح بدنك يا القرم

[جرير]

المشاركة الأصلية كتبت بواسطة منصور بن منيخر

مساء الخير للجميع,,,

كف العتب من بيننا يا بن الحلال=أن كان تبغيها تسير القافله
عيش الحياه ولا يخدّرك الخيال =دنياك هذي بالمشاكل حافله
جنوب وألا رحت في فالك شمال=رزق البشر رب الخلايق كافله
في أول شهر لابد ما يطلع هلال=عقبه قمر نور النجوم الآآآفله
أصبر علي جور الزّمن صبر الجمال=وصندوق قلبي من لساني قافله
مال الأمور الكائده غير الرجال=والنصح طب(ن) للقلوب الغافله
لا تستمع هرج البشر قيل(ن)وقال=وعلي البسيطه من صفاء لك صافله
آمنت بالله ما علي الخالق محال =ونفسي من البارح تراها قافله
والله سبحانه عليه الأتكال=في الكعبه المسلم رجاء طوافله
و هجسي تعوّد للتماثيل الجزال=والقافيّه شبه المهاة الجافله
أو خفرة(ن) من زينها أطغاها الجمال=ترقص طرب في عرس أهلها حافله
بين العذارا وصفها وصف الغزال=علي بنات الجيل هذا نافله
وأنا لها وقت الشدايد راس مال=الهزل يا أهل الهزل بفمي تافله
وترسي كما ترسي علي الأرض الجبال=والقاف راسي لا غضب عسّافله
يشرب من الغيمه علي روس الطوال=تمطر علي كفّي وأنا غراّفله
خسران من ساسه علي الجرف الهيال=سوق الذّهب يصرف وأنا صرّافله
والقاف لامنّه سري سود الليال=بين الضمايرهاجسي كشّافله
درب الرجال أهل الوفاء ما به ميال=ومن هو تعدّي حدّنا وقّافله
الحر صاد الجزل ما صاد الهزال=من فوق كفّي لا طلع وش شافله
تلقي الأجابه من بعد طرح السؤال=لا تنسدح قدّام وجه الحافله
لكن هذا اليوم للواقع تعال=تشهد علي بعض الحروف السافله
من قال لك هذا حرام وذا حلال=للشعر شاعر والشّويعر عافله
ورّد هواجيسك علي الجم الزلال=هداج تيما والجمر ينضافله
وأخير من هرج القفي مشيّ العدال=صل الفروض الخمس قبل النافله

منصور بن منخير
قصيدتك نافله من جنسها
حافله بالجزاله

صح لسانك

[فيصل بن حجرف]

السلام عليكم ورحمة الله وبركاته

ابو محمد انت عنوان للجزاله والإبداع دائما صح لسانك طال عمرك

[منصور بن منيخر]

جرير 2006 لا هنت يا القرم وبيض الله وجهك

[منصور بن منيخر]

وعليكم السلام ورحمة الله وبركاته

لا هنت وبيض الله وجهك يا القرم
وهذي شهادة ثانيه من المشرف
مشكور

لا تستمع هرج البشـر قيل(ن)وقـال=وعلي البسيطه من صفاء لك صافلـه