يلعن الحاجه : ومحمد بن حمد بن فطيس

[اخـو هـيـا]

غيبتك لو هي دقيقـه تعتبـرصـدّه=الوقت دونك سجن وغيابـك اسياجـه
لا تعتذر لي ترى ماعـاد فـي شـدّه=اعيد حكي ٍ يكـود الصـدر مخراجـه
دامه يوصـف بجـود ابيـك وبجـدّه=وشلون تبخل على المجروح بعلاجـه
ووشلون قـاوااك قلبـك رده وصـدّه=مع انه بيّن عليه الضعـف والحاجـه
ياقـو قلبـك بــرد ايميـنـك وردّه=بخلت بمصافحـه وارهيـت بحراجـه
لو ماسقى غيم عينه جرهـدي خـدّه=تراه يبكـي وقلبـه يلحـق اخلاجـه
ولو شفته يمازحك تـراه مـن جـدّه=الضحك عن درب ضيق الصدر ماعاجه
غير الغلا والوله عليـك وش حـدّه؟=يـادرب ليلـه ويامسـراه وسراجـه
كنّه يعرفـك قبـل يلقـاك مـن مـدّه=مع ان مابينـك ومـا بينـه امواجـه
هواك بـدو ٍ نـووا للقلـب بالشـدّه=ورياض قلبي لشوف البـدو محتاجـه
والوصل..بحر ٍ متى انت بتسمح ابمدّه=السيف صبري وبحرك شح بامواجـه
قصيدي اللـي قريتـه واللـي اعـدّه=قديـم لا يزعلـك معنـاه واخراجـه
وفراغ قلبي غلاك ارهى علـى سـدّه=ليتك تشوف الغلا وابراجـه وعاجـه
اقوى رياح العـذل مـا تقـدر تهـدّه=والا الجفا لو تنفـس هـدم ابراجـه
تغانـم الوصـل لـن البعـد لابــدّه=ياتيك في يوم ثـم ياخـذك بادراجـه
اللي لي انـك تليـن وتتـرك الشـدّه=واللي لك اني ما سولف بك لهراجـه
ولاني بزعلان واللـي نرتجـي مـدّه=يا باب قلبـي ويـا قفلـه ومزلاجـه
زعلة تغلي ومـن تزعلـه مـن قـدّه=ما دام كـل ٍ يبـي دربـك ومنهاجـه
غالي وتبخل علـي وتطّـول الصـدّه=الله يسامـح غـلاك ويلعـن الحاجـه

للشاعر : مـحـمــد بــــن حــمـــد بــــن فـــطــيــس الــمــري

[مسفر بن حمران]

صح لسان الشاعر المتألق حمد بن فطيس المري شاعر جزل وقصايده جزله وصح لسانك اخوي اخو هيا ولا هنت وتسلم يمينك طال عمرك على المشاركه الجميله تقبل مروري وتحياتي لك يالغالي

[ناصر بن فالح]

صح لسااانه ولساانك

الله لايهينك على النقل الرائع

[محمد المحلكم]

صح لسانك ولسانه

[شرس]

صح السان الشاعر الرائع محمد بن فطيس


الاخ الكريم / اخو هيا

لاهنت على الاختيار الاكثر من رائع

ولك كل الشكر والتقدير

[ابن منديل الخالدي]

صح لسااانه ولساانك

الله لايهينك على النقل الرائع

[مربوش]

صح لسانـــه ولسانــــك ,,,

الله لايهينك على النقل الرائع ...



.,’.,’.,’.,’.,’.,’.,’.,’.,’.,’

[جاش الخضر]

يلعن ابو حيك انا اشهد انك شاعر




ررررررررررررررررررررررررر

[غرنوق]

غالي وتبخل علـي وتطّـول الصـدّه
الله يسامح غـلاك ويلعـن الحاجـه

ماشاء الله بن فطيس صح لسانك.
اخو هيا الف شكر على النقل الرائع.

[مــقــبــل]

الله يبيض وجهك ياخو هيا

اختيار جزل من شاعر جزل

والله لايحرمنه جديدك

تقبل احــــترامي
اخيك مـــــقــــبل