قصيدة للشاعر ((( شامخ الشامخ ))) ... يعجز لساني عن وصف روعة قصائده ...
أترك الحكم لكم أعزائي ...
لاهـنــت يالـغـالـي عـلــى مـســح الأرقـــام = كـمّــل لـــي الـمـعـروف وألـــغ الشـريـحـه
الـعــام هـــذا .. حــظــي اقــشــر ولا قــــام = ( مثلـه مثـل غيـره) ( عـسـى الله يبيـحـه )
دمـــوع هـــمّ وحـــزن يـــا ســـود الأيـــام = فــــي لـيـلــة ٍ كــــل الـبـشــر مـسـتـريـحـه
خـبـرة ثـمـان اسنـيـن فــي مــوت الأحــلام = أستقـبـلـه حـلـمــي .. وأجــهــز ضـريـحــه
انـــام اودع حـلــم .. وأصــحــى ولا انــــام = بـأيــامــي ( الـمـتـرديــه والـنـطـيـحــه )
أرثــي حـيـاتـي وألـتـحـف حـــزن الأيـتــام = وأشـوف حلـمـي يبتـسـم لــي وأصيـحـه ..!
لـيـن اقتـلـت قلـبـي عـلــى ديـــن الإســـلام = خـــوض الـحــروب المهـلـكـات الـذبـيـحـه
وأشــوف دمــي ســاح مــع حـبـر الأقـــلام = عـلــى الـبـيـاض بـكــل كـلـمـة صـحـيـحـه
يكتـب شقـى.. يكتـب حــزن .. يكـتـب آلام = يـكـتـب جـــروح الـقـلـب لا هـــبّ ريـحــه
يخلـط شقـى الإلهـام .. فــي حــزن الإلـهـام = بـمـعـادلـة رجــــح عــبــاره رجـيــحــه ..!
رجح ( قتيـل أحـلام ) عـن ( قبـر الأسقـام) = وأمضى على الدمعات ( فرصة سنيحه )..!
ودع حـيـاتــه والـجـســم والـعـقــل صـــــام = عـــن كــــل دعــــوات الـحـيــاة القـبـيـحـه
نـقــرأ وش الـلــي يكـتـبـه قـبــل الإعــــدام = قـبــل الـزمــن يــحــرق ورقــنــا كـديـحــه
صـارت قضـيـه ( مقـتـل المـدعـى الـعـام ) = فضـيـحـة ٍ يــــا كـبـرهــا مــــن فـضـيـحـه
يبـحـث عـنـه تـحـت المـبـانـي والأحـطــام = واللـي بقـى مــن لـحـم جسـمـه شريـحـه ..!
بــدد سـكـون الـنـاس فــي وســط الأزحــام = صـوت ٍ .. خـرق درع الضـلـوع الشفيـحـه
أول صـــلاة الـمَِـيــت ( تـكـبـيـره إحــــرام ) = بـيــن الـجـمـوع الـلــي تـصـلــي لـحـيـحـه
فــي مـحـضـر الـقـصـة تـنـاولـت الأتـهــام = وسجلت من نبع البحور .. ( النصيحـه ..!)
يــا سـكــة الـعـشـاق .. بإسـنـيـن الإجـــرام = لا يـدخـلــك غــيــر الـقـلــوب الـصـريـحـه
ســوي لـنـا منـفـذ .. وحـطـي لـــك اقـســام = وإسـطـورة ٍ .. فــي عـالـم الـحـب صـيـحـه
و ختـم ٍ علـى البصـمـة .. وقـفـل ٍ للأخـتـام = وجسر ٍ بعرض الكون مـا أحـد ٍ يزيحـه ..!
مـمــزوج مـــن فـــولاذ والـذهــب والـخــام = فــي بـحـر .. تـرنـيـم الـمـحـب وصـديـحـه
علـى ضفافـه .. ( جـنـه الـحـب ) و أعــلام = تـقــرأ بـهــا .. صـــدق الـمـكـان ومـديـحـه
مــا وصـلـهـا ألا مـــن دمـوعــه والأنـســام = مـبــذولــة ٍ لأجـــــل الــوفـــاء تسـتـبـيـحـه
مايـدخـل ( أرهـابـي محـبـه ) لـــه أرحـــام = دخـلـوا بـهـا .. والـحــال مـاهــي صلـيـحـه
لا للخـيـانـه .. لا وسـاطــات .. لا إعــــلام = بــس الـوفـاء .. يـــوم الشـريـحـه سمـيـحـه
اقـبـل قــوي الـحـب .. مــا تـهـم الأجـســام = وعــلــيـــك بالله بـالــوجــيــه الـفـلــيــحــه
مـمـنـوع تـقـبـل لأجـلـهـم صـفـقــة إبــــرام = كـــذا تـعـيـش الـنــاس .. حــالــة مـريـحــه
كــذا كــذا .. عـشــت بتـنـاقـض ولا أنـــلام = غـريــب دار . . وكــــل طــرقــه كـلـيـحـه
كنـت ارتجـي مـن واقعـي عـكـس الأوهــام = دام الـســنــيــن لـطـعـنــتــي مـسـتـبـيــحــه
أمـشـي ثـــلاث أمـتــار وآقـــف بـالأعــوام = والـلــي بـقــى بـيــدي .. ثـلــج وصـفـيـحـه
وزن الأمـــل فـيـنـي .. ولا مـلــيّ إجــــرام = ومـقــدار عـزمــي ثـــوّر أقـســى قـريـحــه
مستقـبـلا ً .. يمـضـي عـلـى حـلـو الأنـغــام = اسـتـهـدفـه صــــاروخ وأعــلــن مـطـيـحـه
ودمـــر مــراكــز قــوتــه .. زرع الألــغــام = وبــروجــه الــلـــي عـالــيــات ٍ طـريــحــه
لو صحت بأعلى الصـوت وأتعبـت الأقـدام = يـرجـع صــدى صـوتــي بـنـبـره جـريـحـه
يـــا شـامــخ الـشـامـخ .. بتـوقـيـع الإبـهــام = مــــا عــــاد بـالـدنـيـا قــلــوب ٍ نـصـيـحــه
بــأضــم قـلـبــي عــــن سـكـاكـيـن الأيــــام = وأقـصـر رجـولـي عـــن دروب ٍ شحـيـحـه
مـــادام مـــا تـمــتّ لــنــا ذيــــك الأحــــلام = لا يـخـوفــك كــســر الـقــلــم والـفـضـيـحـه
كلـمـة ( وفــاء ) متـبـدلـة مـــن كـــذا عـــام = صارت ( وفاه ) وكل (( كذبه) صحيحه)..!
طـويــت صحـايـفـنـا .. وجــفــن الأقــــلام = فــي ليـلـة ٍ .. كــل الـبـشـر مستـريـحـه ..!
تحياتي ...
05-03-2007, 12:31 PM
خبره ثمان سنين في موت الأحلام
العرض المتطور
