ياهيه انا من حاظري ينبع الطيب&&ولا مقادم لابتي كلها أمجاد

العماني · #1 06-10-2004, 08:08 PM

السلام عليكم ورحمة الله وبركاته

هذه قصيدة كنت احفظ بعضها وقد ارسلها لي احد الأخوان كاملة وحبيت انقلها لكم.

ياهيه أنا من حاضري ينبع الطيب=ولا مقـادم لابتـي كلهـا أمجـاد
أنا من اللي يحتمـون المواجيـب=كفّـار للكافـر وللمسلـم أجـواد
وانا من اللي يرعبون الرواعيـب=لا من حوافر خيلهم دكـت المـاد
سمر الجباه من الشقا واللواهيـب=حمر العيون من الظفر والنظر حاد
ستر البنات المترفات الرعابيـب=زبن الضعيف إليا غدا ذوده أبداد
مركاضنا يفرح به الطيـر والذيـب=يلقى العشاء من فعلنا روس الاضـداد
شفت الجبـال النايفـات المراقيـب=منا ولو يزعـل مـن الحـق حسـاد
مع درب اخو جوزاء نفك اللواليـب=نرقا سنـود وعـزت الشيـخ تـزداد
ماجاك عن فيصل وشلفا تراحيـب=وهابس وفدغـوش المريخـي وعيـاد
وهايف وبن لامي وسحلي معاطيب=وجهز وبن جملا وفريـس الاضـداد
مجدي قديم الوقت ياجاهل الغيـب=ورث ٍ لنا من جدنـا يكفـي الاحفـاد

والقصيده اطول من ذلك ،،،،

للشاعر00 محمد عوض بن سرور الديحاني

توضيح

فيصل هو فيصل الدويش
وتراحيب بن بصيص
هابس بن عشوان العبيوي
وفدغوش المريخي
وعياد المطرقه الديحاني
وهايف الفغم
وابن لامي الجبلي
وسحلي بن سقيان
وجهز بن شرار الميموني
وصالح بن جملا الديحاني

حسايف · #2 07-10-2004, 02:07 AM

صح لسانك ولسان شاعرها ولاهنت

العماني · #3 07-10-2004, 03:48 AM

حياك الله يا حسايف ولا هنت على المرور

تقبلوا تحياتي،،

فيصل بن حجرف · #4 07-10-2004, 03:58 AM

لاهنت ابو مبارك على الاختيار الجميل
والله يرحمهم جميع يوغفر لهم

العماني · #5 07-10-2004, 05:00 AM

ولا انت يا بوعبدالله

ومشكور على المرور والرد الطيب

تقبل تحياتي،،