ياراعـي الجكسـار الالفيـن وثنيـن = الموتـر اللـي مـا يحـب الوقافـي
جيبٍ من اليابـان مصنـع وتظميـن = لا دق سلفـه .. يالله إنّـك تكـافـي
مكينته مثـل النحـل فـي البساتيـن = ولاَّ تبـادل سـر حــزب ائتـلافـي
والنور لامنّـه شعـق يجهـر العيـن = زاروق شمـسٍ بيـن نـوٍ كثـافـي
وجهه مثل وجه الأسد فـي البراثيـن = والجنـب لامنّـه خــذا الالتفـافـي
مهرٍ تربّـت فـي رعايـة سلاطيـن = مصيونـةٍ مـا روّضوهـا عسـافـي
ومرايتيـنـه صممـوهـا بتقنـيـن = فيها من اوصـاف الثبـات اتصافـي
خـوذات جندييـن حـربٍ مجازَيـن = عقب الجزا ما جاهم امـر انصرافـي
تضليلتـه ملبـس مـلاك المزاييـن = اللـي تغطيهـا شـيـال العفـافـي
جناحه الخلفـي كمـا ذيـل شاهيـن = لولا القواعـد قـام يِرفـف ارفافـي
وتوايره لامن تمختـر علـى الطيـن = مشية زعيمٍ لا وطـى الارض حافـي
الجيب والسـواق زيـنٍ علـى زيـن = والجيب وافـي يـوم راعيـه وافـي
ياخوي (ابو سياف) وجـه المياميـن = ما قـال عزمـك للطريـق انتصافـي
شد العزايم واعقـد الـراي ذا الحيـن = قبـل إيتهيـا فـي الامـور اختلافـي
لامـن تفقـدتـه وفلـلـت بنـزيـن = لا تنتظـر حتـى الخـوي السنافـي
واشقر على تمثالـه يسـار ويميـن = علـى طريقـك مــدةٍ وانعطـافـي
لا ينـزل ( امبـيـره) عــن 160. = عالسيـد مـرّ ومــرةٍ عالكتـافـي
لا مال جنح الليـل والنـاس ممسيـن = مثـل السهـم يقطـع بعيـد الفيافـي
عرّض على الوادي والافلاج في حيـن = كنـك غـريـبٍ عــازمٍ بالنكـافـي
منصاك عارف راعي العـرف والديـن = المدهـل اللـي مـا يعديـه لافــي
لامن وصلت البيت حسـب العناويـن = قل له.. وقلّ الهـرج شافـي وكافـي
سلام .. تسعْ إميه.. وتسعه.. وتسعين = سلام مـن قلـبٍ صـدوقٍ وصافـي
سـلام مـن مبـدأ عتـاب المحبيـن = اللـي تـدوّر للـوفـا والنصـافـي
يا عـارف الوافـي رفيـع الموازيـن = كريم مدّ وفـي الوغـى مـا تخافـي
يالغانـم ابـن الغانميـن الكريمـيـن = الصادقـيـن الواثقـيـن النضـافـي
ربـعٍ لكـم بيـن الرجاجيـل تمكيـن = عنـد النوايـب تِثقلـون الخفـافـي
يا صاحبي نلقاك مـن ويـن لا ويـن = طـوّل بطـاك ..أرَبّْ مابـه خلافـي؟
إي والله إنّـا مـا طردنـا المقفِّـيـن = نلقـى الوجيـه ولا تبعنـا المقافـي
نستقبـل المقبـل رحابـة مـودّيـن = وان كان جنّـب عـن قبَلنـا ذلافـي
طردٍ ورا المقفـي بخايـس تثاميـن = مثل الثمـر لـي زل حـل القطافـي
واهـل النوايـا والضعـاف الردييـن = واللي يحبون الحبـي فـي السوافـي
إن جو فـلا حنّـا عليهـم شفوقيـن = وان روّحـوا فـلا عليهـم حسافـي
واهل العزايم تلبـث سنيـن وسنيـن = إليـن تنهكهـا السنيـن العـجـافِ
أحيـان نجـدل للغنايـم سبوقـيـن = واحيـان ننكـف والعزايـم ضعـافِ
واحيان ننصى موصد البـاب عانيـن = واحيان بيـن اهـل المـوده تجافـي
من زلّ يلقى العذر عنـد الجزوعيـن = ومعـاود الـزلّـه يخـلّـى عـيـافِ
حتى ولو كانوا هـل الركـب غاويـن = مايلحق اللـي يبـذل الجهـد قافـي
هقواتنـا تـارد كـبـار الميـاديـن = وادنـى منازلهـا بـروس الطفافـي
وان خيّبـت .. يالله اليـك المزابيـن = ياعالم(ن) حبسٍ ورا الجـوف خافـي
بامرك يجل الخطب والقاسـي إيليـن = ومـن كـل بلـوى يامعافـي تعافـي
اجعل بدايتها على الوضـع تحسيـن = واجعـل خواتمهـا سـلام وعوافـي
.
02-04-2007, 11:32 AM
العرض العادي
