الـشـاعـر الـكـبـيـر : هــادي الرزقـي

[كــحــيـــلان]

قصيده للشاعر الكبير هادي الرزقي اضعها بين أيديكم

ماعاد لي قلب تشفع لـك مراسيلـه=مدري نساه الغلا والا نسـا شوقـي
اصبحت عم الجفا واسرجت لك خيله=والعفو كان اختلف شكلي ومنطوقـي
ودّعت حبٍ تغنّـت لـي مواويلـه=ياكثر مافي طريقه ضاعت احقوقـي
لاعـاده الله مـن هـذي مداهيلـه=من بين حدب الضلوع وبين معلوقي
فان كان جيتي سفير الحب قولي له=جوازي الدبلوماسي وسط صندوقـي
مادام مالي وطـن ماداعـي اشيلـه=حتى فصيلة دمي ماتعرف اعروقـي
اهديت جرحٍ سرقني من مضاليلـه=واخذت بيتٍ من النجمين مسروقـي
من كان ذاك الوله واقف على حيلـه=وانا اعرف الذوق مايطلع على ذوقي
تقول بيـتٍ دخلتـه شـب قنديلـه=وانا معيّـن رواق البيـت مفتوقـي
مقيالي اليوم بـس وماشـي الليلـه=والقاع من تحت رجلي والسما فوقي
ماهي بحيلـه ولكـن سمّهـا حيلـه=ماقلت لي قفر ماسميـه مطروقـي
اغيب واعشـق هذايانـه وتبديلـه=وانساه وانسى خطاي وقلّة وفوقـي
واليوم ماعـاد تاصلنـي مراسيلـه=صكيت باب الغلا وانسيت من شوقي

وسلامتكم

[تركي الرياض]

صح الله لسانك ياكحيلان وصح الله لسان قايلها ,الله يعطيك العافية , عز الله أن هادي شاعر

بس أنه مهظوم حقه , ولا هالشاعر أعرفه من يومني صغير لكن ماطلع على الساحة وأشتهر

مثل هالي طلعوا هالأيام بسرعة , مدري هل السبب أنه مايحب يطلع أو أنه مشغول أو أن

الصحافة ماعطته حقه الله أعلم , أتمنى له التوفيق ولكل شعراءنا , تقبل تحياتي .


___________________________________

قال بعض السلف: صانع المعروف لا يقع، وإن وقع وجد مُتكائاً.

[من داثر الوقت]

تقول بيـتٍ دخلتـه شـب قنديلـه
وانا معيّـن رواق البيـت مفتوقـي


مقيالي اليوم بـس وماشـي الليلـه
والقاع من تحت رجلي والسما فوقي



صح لسان الشاعر الكبير هادي الرزقي

ولاهنت يا كحيلان على القصيده

[عيد بن شدقان]

صح السان الشاعر/هادي الرزقي








ولاهنت

يا كحيلان

اختيار رائع

الله يعطيك الف عافيه

[كــحــيـــلان]

المشاركة الأصلية كتبت بواسطة تركي الرياض

صح الله لسانك ياكحيلان وصح الله لسان قايلها ,الله يعطيك العافية , عز الله أن هادي شاعر

بس أنه مهظوم حقه , ولا هالشاعر أعرفه من يومني صغير لكن ماطلع على الساحة وأشتهر

مثل هالي طلعوا هالأيام بسرعة , مدري هل السبب أنه مايحب يطلع أو أنه مشغول أو أن

الصحافة ماعطته حقه الله أعلم , أتمنى له التوفيق ولكل شعراءنا , تقبل تحياتي .

صح بدنك ومشكور على مرورك الطيب

وعزالله انك صادق مهضوم حقه.

[كــحــيـــلان]

مرحبا فيك يا بن صليمه

وصح بدنك

ومشكور على مرورك الطيب

[كــحــيـــلان]

مرحبا فيك اخوي عيد

ومشكور على مرورك الرائع.

[مشاعر حالمه]

كحيلان

نقل رائع

صح السانالشاعر ولاهان

لاهنت

تحيتي لك / مشاعر حالمه

[مــقــبــل]

صــح الــسان الــشاعر هادي الرزقي



ولاهنت على النقل يــاكحيلان


تــحياتي وتــقديري

[aL_CaBoNi]

مشكور على النقل كحيلان

وصح السان شاعرهاااااااااااااااااااااااااااااااااا