تجملت لكن وين انا والجماله وين

سلطان بن جفن · #1 24-01-2005, 12:53 PM

السلام عليكم ورحمت الله وبركاته
الاهدى الى اخي سلطان

انا لي ثمان اشهور ماغمضتلي عين=ولاذقت طعم الزاد والنفس مقهوره
اسامر نجوم اليل والناس مرتاحين=ولاعب خرز سبح قضى اليل مع دوره
ماغير التوجد والنثر الدمع الازرق لين=برى الحال وقدامي على راس تنوره
سبب ماجرالي يوم سبعه معى عشرين =نهار الثلوث اللي عطاني به الشوره
وانا عاتي مانيب من يسمع الشورين=ولاكن ردى حضي حذفني على سوره
تسمعت هرج اللي معى الناس ماله دين=ردي المعرفه كل ماصار من دوره
تجملت لاكن وين انا والجماله وين=عقب ماتداوى صرت من سبت اكسوره
ولاكن على الله كل شين جرى والحين =ابكشف خفاين كانت العام مستوره
وبرسل الشيخ لاغدى ليلنا ليلين= يهوم الحمول وياتي ابكل مذخوره
ولد شيخ الشيوخ مطوع الصعب لين ايلين=مشى مع درب ابوه وشاع صيته بين جمهوره
غلاه الله اكبر والله انه غلا العينين=ومثل ماغلا اخواني به الروح مسعوره
يضيق الوطن بي لارحل غرب دار احسين=ولاكل دار ماسكنها بمعموره
تمنيت شوفه جعل شوفه بعد لقصين=اثقال النفوس اللي على الشذب مشهوره
طلبتك لاتسج من الثمان وسبعه اوتسعين=طلبتك يخو صيته خلص الموضوع بجذوره
وانا لك على الحق طول وعرض سور الصين=حقوق الرجال اللي على العرف مشكوره
وعسى ذيك القنوف اللي تتالت من ورى الضلعين =يجينى من يجينى بلخبر ويقول ممطوره
على ديرت بني عمي هل العادات وهل الدين=هل الفعل القديم وبين كل الناس مخبوره
بني عمي هل الوقفات يوم الناس بين وبين=مزبنت الدخيل اللي سلف يمناه مكسوره
وعلى الحرام وبثلاثاان ودي الغالين=يجيني مايجيهم من بلاو الوقت وشروره
وتراه الخطى ياصاحبي من يطرد المقفين=يشوف القهر والروح بلموت مخطوره

سلطان بن جفن

ابو محمد · #2 24-01-2005, 01:11 PM

صــــــــح لــسانك يــاسلطـان بن جــفن على القــصيده الجــزلــه

كويتي · #3 24-01-2005, 01:23 PM

من طــول الغيـــبات جاب الغنــايم
حياك الله اخوي سلطان وحمدالله
على السلامه ,,

وصح لســانك وتسلم يميــنك على هذي القصيـــده

وبنتظــار جديدك ,,

والسموحه تم تعديــل ترتيــب القصيــده عشان تطلع بشكل افضــل

تقبــل تحياتي
كويتي

admin · #4 24-01-2005, 06:13 PM

صح لسانك يابن جفن ويا مرحبابك من جديد معنا

بنتظار ابداعاتك دائما

سلطان بن جفن · #5 24-01-2005, 08:22 PM

بن عجيم
كويتي
ابو فيصل
صح بدنكم

وبشرو بلجديد لاكن خلوني افضى من اللي في يديني

والله اني لجيب كل ماعندي من قصيد

غالين وطلب رخيص

وترى انشغالي مايشغلني عنكم

ولاكن تمشي ارياح بما لاتشتهي السفن

عـزام · #6 24-01-2005, 08:38 PM

الله الله

سلطان بن جفن

حيه وحى ما جابه ما ابطا بالسيل الا كبره

ابدعت

واجزززززلت

وصح الله لسانك يالقرم

وتسلم يمناك لا عدمناك

قبلةالعجمان · #7 24-01-2005, 09:54 PM

صح لســـــــانك ...

بحوور · #8 25-01-2005, 01:16 AM

سلطان بن جفن

يا هلا ومسهلا والله ..

وصــــح كـــــلك مليـــــــوون

ولاهنــــــــت ..

تحيــــــاتي وتقديــــري

ابوتركى · #9 25-01-2005, 09:13 AM

وصح لســانك وتسلم يميــنك على هذي القصيـــده

سلطان بن جفن · #10 27-01-2005, 10:44 PM

صح بدنك

اخوي عزام