زارني عقب العشا ( قصيده من أشهر قصائد الرثاء في الشعر النبطي ) لأبن الأجلق

نـاصـر · #1 05-08-2007, 10:23 PM

السلام عليكم

هذه قصيدة رثاء للشاعر بن الاجلق في زوجته وتعتبر هذه من أشهر قصائد الرثاء اللتي قيلت وتوضع في مصاف قصائد الرثاء الذائعت الصيت مثل قصائد نمر بن عدوان وغيره من الشعراء الكبار . والشاعر من سكان مدينة الزبير المعروفه بالعراق .

كان الشاعر مسافر إلى مدينة بغداد وأتاه خبر وفاة زوجته . ودفنة زوجته في مقبرة الحسن البصري في مدينة الزبير واللتي تضم ضريح التابعي الحسن البصري وأبن سيرين اللذين سوف يرد ذكرهما في القصيده .

وإليكم القصيده :

زارني عقب العشا طيف يقول= إنتبه يا شوق مثلك ما ينام
لو دريت بما حصل شي يهول= كان حاربت الكرى تسعين عام
قلت انا ابسألك في رب الرسول= وش جرى يا شين من خبث العلام
قال يفداك الغضي زين الدلول= شرب كاسٍ فيه مزجوج الحمام
قلت راعتك الدواهي من يقول= من تسند عنه منضوح الكلام
قال انا مريت يوم السبت ضول= عند بابه للرعابيب ازدحام
صابني رعبٍ ودزيت الرسول= بـاغيٍ علمٍ على قلبٍ تمام
اسمع امه عند تفصيخ الحجول= الخزاري والاهله والزمام
تندبه بالصوت واسمعها تقول= ليت اخو وضحا كشف عنها اللثام
شوف عيني يوم قرب للغسول= والطوايق فصلوهن له حرام
فرّن الخفرات ما معهن عقول= لاجّـاتٍ بالموادع والســلام
ثم شالوها اربعه ما فيهم فحول= عزوةٍ ما بين خاله والعمام
واعبروا به للمصلى للقبول= كاتفينٍ كلهم خلف الامام
يطلبون اللي بعرشه ما يزول= روضةٍ قبره وطيبا له مقام
في فضا روضٍ مقرٍ للسيول= بين ابن سرين والصحب الكرام
في جوار الصحب قبلي النزول= عن حسن بصري وشرقه له مقام
واحفروا له حفرةٍ بالقاع طول= قامةٍ والعرض شبرينٍ تمام
وسدوها عقب ديباج الزلول= لبنةٍ في وسط مطوي هدام
هلهلوا فوقه حفيره والتلول= والنصايب ركزوهن له علام
شوف عيني والظبا حوله تجول= باشرن قبره بحب ألتمام
والطيور الطايره من كل جول= ظللن قبر الغضي مثل الغمام
والفواخت عقب هذيك العقول= يرفعن الصوت هن ويّا الحمام
قمت انا رعبٍ وبادرته بقول= كف يالملعون عن باقي الكلام
ما دريت ان القمر لونه يزول= كيف يدفن الوطا بدر التمام
لو رسول الموت تكفيه البدول= كان اسوق البيض ادرك للمرام
كان نرخص له عطياتٍ جزول= من عزيز المال لو يغلى مسام
لو لكم ياللي تلوموني عقول= كان شفتوا حال مثلي ما يلام
كالجرايد ما أقوم من النحول= ما بقى بي غير روحي والعظام
يعتني بالحال ربٍ ما يزول= من ثنا رب عظيمٍ مـــا يرام
والصلاة لسيدي طه الرسول= ما دعى الله محرمٍ عند المقام

بحثت عن أسم الشاعر وللأسف لم أجده

ووجدة نبذه بسيطه عن الشاعر في كتاب الأديب ابراهيم الخالدي ( معلقات الشعر النبطي )

وذكر المؤلف أن أسم الشاعر مجهول ولم يعرف ألا لقب عائلته ( أبن الأجلق )

ويقال انه كانت تربطه علاقة ومعرفه مع الشاعر المعروف محمد بن لعبون .

من هنا يتضح لنا أن الشاعر كان معاصراً للشاعر محمد بن لعبون .

تقبلوا تحيتي

ناصر