السلام عليكم ورحمة الله وبركاته
قال الشاعر فهد بن مخشوش من الصملة من سبيع
يذكر سلوم سبيع ويعدد مزاياهم
عند الضحى شرفت في راس عيطا =رجم يهيض بادعين المثايل
واللي مهيضني سوالف بني عمر =أهل مهار تنثني في الدبايل
رعاية للخوف نزالة الخطر =كبار البيوت مشيدين الذوايل
ويقول ابن مخشوش قول موكد =قبلي وبعدي من يعد الفعايل
اعد فعايل لابتي لاعدمتهم =وافخر بهم لي حل قول لقايل
أنا من الغلبا سبيع أل عامر =أهل الشجاعه والفعول الجزايل
انا نفلنا الناس بثمان سوالف =نفلنا بها سموى جميع القبايل
منهن ثلاث عامتنا كلنا =وخمس غدوا بهن كاسبين النفايل
الأوله منهن نتيه جارنا =على الكيف يرعى في نبات المسايل
والثانيه منهن نعرف جارنا =ولانقطع العقلان يوم العقايل
والثالثه منهن تسير مرتنا =لي ضاق مذهب خاربين الحمايل
والرابعة منهن فهيد الصييفي =من فوق هجنن يسهجن القوايل
ماياخذ الحشاش ولا يقطع النقذ =شره على سحج كبار الشمايل
والخامسه منهن للأدغم سلامة =يروي سيوف مصقلات السلايل
لامن عطى عطيتن مايمنها =يعطي النجايب والمهار الأصايل
ولامن زبن مجرم لايذبه =جاء الحول ماجاء فيه عدل ومايل
والسادسة منهن لعجران العمى =تسموى بها عود هروجة دلايل
لايثني الدلة ولا يذبح المعز =ولا يذبح الا من خروف وحايل
والسابعة منهن لابن قطنان بالسخى =عيد الركاب مدرهمات القوايل
لاكن تنيدي عبيده على العشا =تنيدي بدو شافو الطرش عايل
والثامنه عشر الركايب واهلها =مامثلهم جا في العصور الاوايل
جتهم سرايا يرعب القلب كثرهم =يبغون ذبحتهم وكسب الرحايل
وعيا عليهم الله ثم بني عمر = برماحهم وسيوفهم والفتايل
وسلامتكم
ارجو انه ينال على اعجابكم
تحياتي لكم
26-05-2004, 11:06 AM
العرض المتطور
