السلام عليكم ورحمة الله وبركاته
ماتقبلـت الفـراق مـا ليـدي فيـه حيلـه
آه لـو ان الظـروف المقبلـه تكشـف قدرهـا
لو يعرف الشخص منّا وش مع الغيب ابيجي له
كان جنبنا المشاكل مـن قبـل يوقـع ضررهـا
ما هقيت الليله اللي جابـت الفرقـا طويلـه
لين صارت ليلة امس بعيني اطول من شهرهـا
والعذاب اللي يذوب بعين مـن يفقـد خليلـه
عندي اكبر من عذاب العين لـو تفقـد نظرهـا
والحبيب اللي صـدوده مثـل مداتـه جزيلـه
صد عني واعرفه لو صد عـن حاجـه هجرهـا
كن روحي يوم حست في جفاه وصعب نيلـه
بشرتنـي بالضيـاع وشـدة العـزم لسفـرهـا
ما رحمها مـن هـلاك ومـا تقبّلهـا دخيلـه
تحتضر قدام عينـه ليـن ماتـت مـن قهرهـا
عاد ليت اللي ذبحها وارهب الموت بوسيلـه
ما دفن وجـه الضحيـه والسكاكيـن بنحرهـا
ليت قلبه يـوم سـوى فعلتـه كمّـل جميلـه
لو غسلها من عروقـه وبكفـن صـدره قبرهـا
من حفر بضلوع قلبـه حفـرةٍ تكفـي قتيلـه
ليه ما يدفـن قتيلـه بالضلـوع اللـي حفرهـا ؟
29-08-2007, 11:00 PM
العرض المتطور
