( سلاطين الرجال ) .. مجاراه للشاعر عبدالله بن علوش

[علي الحويل]

يقول الشاعر اللي لا بـدا لـه
على المدح وتهيا فـي مجالـه
بداها ولد ابـن علـوش وآنـا
ع نهج المجـارى عدتهـا لـه
يجمعنا محلف والمجـد كايـد
واقول المجد ما ينسى رجالـه
ورثنا العز من كابـر وكابـر
وخذنا الفخر من جالـه لجالـه
خلقنا الله بين النـاس .. نَـدر
ولهل الظلم .. ميزان العدالـه
يا بوي المري اليا جاك يعرف
بشوش الوجه .. وبسكبة عقاله
وإلى منه وعد فابشـر بعـزك
وإلى منه فزع .. جاك بعجالـه
وإلى منه عطى .. ما قال شوفو
يمينه مـا درت عنهـا شمالـه
عليـه بالحـرام إن آل مـره
زعيمين المراجـل لا محالـه
كـأن الله خلقـنـا للطليـعـه
(سلاطين الرجال) بكـل حالـه
سلام الله علينـا يـا آل مـره
سـلام" نستحـقـه ونعنـالـه
بغيت البحـر .. ولا فالعلالـي
بغيت البر .. تعرفنـا رمالـه
فوجه الطيب حطينـا مـواري
وخططنا على قمـة جبالـه !!
فحول الطيب وعيال الحمايـل
مثال للزمن .. واسمـع مثالـه
( لا شفت الطيب في اياة واحد
مهو مري .. تلاقينا خوالـه )
نمثل دولـة ونحكـم جزيـره
من آخر حايل لآخـر صلالـه
رجال لو يشين الوقت عـادي
يحبون الكرم طيـش وخبالـه
نكرم من تـذرى فـي ذرانـا
وعلينا نذر ما ينضـاق.. بالـه
ولا به فرق في مري وعجمي
جمعنا يـام لاول فـي ظلالـه
ودون قصور في باقي القبايـل
لكن المدح في ربعي رجااالـه
سلام الله علينـا يـا آل مـره
سـلام " نستحقـه ونعنـا لـه
وعسى ربي يسلم كـل مـري
وعسانا دوم في خير وسهالـه

الشاعر/ حمد البريدي المري