ياصاحبي ياساكنن بقصى العروق النابضات

[عبدالله العمار(سهيل)]

ياصاحبي ياساكنن بقصى العروق النابضــــــات .... الـى متـى ياصاحــبي مـاتــروف بـي لـو ثانيه
عذبتني ياصاحبي واجهـدتني فــي ذا الحيــــــات .... ابســألك ويــش استفـدت بـذا العيون الشاكيـه
قصــدك تعـــذب خـافقــي وتحــدنــي للمــهلكــات .... وانــا مسلمــك السنـين اللــي مضت والباقيـه
لـو كان تبغــي حـطني فــوق الجبــال العاليـــات .... ثــــــم دزنــــي والله مامـــنـي كـــلام إتلاقــــيه
او سمني واشرب سمومك واعتبرها لي حـلات .... ولااســألك ياصاحـبي وتكـون نفسـي راضــيه
او حطني في وسط غابـه مابــها الا موحشـــات .... فيها الجنون اللي تخوف والوحوش الضاريـه
ماقلــت لا ياصاحــبي واجــبر لسـاني بالسكــات .... ماتسـمـع الا حاضــرن واســير باللـي باغيـه
ياصاحبي يابو عيون احلى من اعيون المهـات .... لبـــا عيونـك ليـتـنــي برمـوش عيـنـك زاويــه
حتــى ألامــس دمــعتك واضمــها لك بالنـــوات .... وامـد انـا مــن دمعـتـك لعـروق قلـبـي راويـه
بس المهم انك تجــازي بالرضــا قبل الفــــوات .... وتشــوف مـنهـو قــدرك وتقــدره وتمـــاشـيه
تكفين ياروحي رجيتك مت انا من ذا السكـــات .... تكفــين قــولي للحبـيـب إن البــشر متـساويه
قولي له ان الله كريم يجازي اصحاب العصات .... لايفكــر انه منسـي مــحـدن يـراقــب جـاريــه
وان الكبر مهما يطــول بصاحــبه مابه حــلات .... لابـــد مـاياتــيـه يـومـــن يدخــلـه بــالـهـاويه
وانا علي اني اسامـــر دمعــتي واكتب وصات .... اني مســامـح قسـوتـه وانــي حــرام آشاكيه

seheelalwaadi777@hotmail.com

[عبدالناصر آل عبدان]

عبدالله سهيل


مرحبا بك


وصح الله لسانك


وفي انتظار تفاعلك


في أمان الله

[ناصر البرغش]

عبدالله العمار


صح الله لسانك ولاهنت


تحياتي

[عبدالله العمار(سهيل)]

بسم الله الرحمن الرحيم


السلام عليكم ورحمة الله وبركاته

عبدالناصر العبدان
ناصرالبرغش


لاهنتوا ولاتخلونا من نصايحكم ومنكم نستفيد

[سلطااان العتيبى]

عبدالله العمار







صح لسانك لاهنت





وتقبل مروري

[عبدالله العمار(سهيل)]

معانق حزن

الله لا يهينك على المرور



تقبل تحياتي

[محمدالعمار]

صـــــــــح الســـــانك

قصيده فاجأتني فيها
اخيرا اقتنعت بشور اخيك ونشرت؟
للأمام ولله يسدد لك خطاك.

[فرز الوغا]

عبدالله العمار

صح الله لسانك

قصيدة جزلـــة من شاعرها

فالك التوفيق




محمد العمار إخيك

[الـنايفه]

قصــدك تعـــذب خـافقــي وتحــدنــي للمــهلكــات .... وانــا مسلمــك السنـين اللــي مضت والباقيـه

صح لسآنك آخوي ...ويعطيك آلف عآفيه على آلكلمآت..

كل آلود

آم خآلد

[جطلي بن فهد]

ياصاحبي يابو عيون احلى من اعيون المهـات .... لبـــا عيونـك ليـتـنــي برمـوش عيـنـك زاويــه
حتــى ألامــس دمــعتك واضمــها لك بالنـــوات .... وامـد انـا مــن دمعـتـك لعـروق قلـبـي راويـه
بس المهم انك تجــازي بالرضــا قبل الفــــوات .... وتشــوف مـنهـو قــدرك وتقــدره وتمـــاشـيه
تكفين ياروحي رجيتك مت انا من ذا السكـــات .... تكفــين قــولي للحبـيـب إن البــشر متـساويه
قولي له ان الله كريم يجازي اصحاب العصات .... لايفكــر انه منسـي مــحـدن يـراقــب جـاريــه
وان الكبر مهما يطــول بصاحــبه مابه حــلات .... لابـــد مـاياتــيـه يـومـــن يدخــلـه بــالـهـاويه
وانا علي اني اسامـــر دمعــتي واكتب وصات .... اني مســامـح قسـوتـه وانــي حــرام آشاكيه


الله الله

صح لسانك قصيده في قمة الروعه ولاتحرمنا من جديدك

وياهلا فيك