السلام عليكم
اخواني قصيده للشاعر الكبير / محمد الخس
ارجوا تنال اعجابكم
يامرحبـا ياللـي لــك القـلـب مفـجـوج =عــداد نسـنـاس الهبـايـب لـيــا فـــاج
حطيـت ريـعٍ باوسـط القلـب هجهـوج =يـاعـيـن حـــر بالخـضـيـرا لــيــا راج
حبك طفح بي طفحت السـاج بالمـوج =ماعـاد لـي عـن حبـك اليـوم مـخـراج
اودعـتـنـي لاشـــرب ولاكـــل ولادوج =ولاستطعـم المنطـوق مـن كـل هــراج
لاغـبـت عـنـي دق بــي كـــل دالـــوج=قـامـت تـواردنــي هواجـيـسـي ازراج
قلـبـي يجيـنـي نــوج واضيـعـه نــوج=يجيـه مــن فـرقـاك سـجـه وسـوهـاج
كن البنـات الشقـر عنـدي مـن الهـوج=ماكـن بـه غـيـرك عـلـى الارض دواج
في هرجتك شـئ مـن السحـر ممـزوج=والـنـور مــن غـرتـك يطـلـع وينـبـاج
ولـيـا ضحـكـت بـذبـل مـابـهـا فـلــوج=مثـل البـرد مــن مـزنـة تلـعـج الـعـاج
واغضيت في سودٍبها السحر مدعوج=ترسل سهوم الموت من حجره افـواج
تنـثـرن شـقـرٍ مـــن كـاســي الـغــوج=تاصـل اليـا ردفـن كمـا حــذف ديـبـاج
جانـي بـلا فالقـلـب يسوجـنـي ســوج=يجـرنـي يـمـك لـــك الـــروح تـنـعـاج
كنـي اليـا شفتـك علـى انهـار وبـروج=والاملـك شعبـن عـلـى راســي الـتـاج
واليا بديت بضحـك وهـروج واغنـوج=قلبـي غـدا زبـده علـى صالـي الصـاج
او ميـر كنـي بيـن الاضـلاع مخجـوج=بشلفـا مثـل شلـفـا غنـيـم بــن فــراج
غنيـم بـن شبـلان مخلـن لـه ســروج=ليا صاح في تالي الرمك راحت امراج
تـبـا تخليـنـي مـــن الـعـقـل مـمــروج=علـى العـمـر شـامـان تدرجـنـي ادراج
خليتنـي يـازيـن الاوصــاف مـحـروج=صلـيـت بــي شــرقٍ مـاعـاد يـحـتـاج
يـاروح روحـي كـان مامـنـك منـتـوج=خـف الغـلا لاعــاد تحرجـنـي احــراج
لــو قلتـلـي سـيـر وخــذ عنـدنـا روج=جيتـك عـلـى الاقــدام ممـشـا ودفــلاج
اجــي وانــا مبـهـوج واروح مبـهـوج=ليـا حصـل لـي منـك لـو رفـة احجـاج
01-06-2004, 01:38 PM
العرض العادي
