من أجل لم الأصوات وتدعيم موقفنا الـى (اللجنه الاعلاميه)

[عامر ال مصارع]

اللجنه الأعلاميه
ودورها للأستفاده من الاصوات من قبل الناخبين الأخرين بالدائره الخامسه
مثلاً الحروب ؟
وعددهم تقريباً ألف
وأمل مرشحهم معدوم بالنجاح 100% فيجب عليهم
الذهاب واعطائهم بعض الاقتراحات
بأن ينسحب مرشحهم وتصب اصواتهم لصالح المرشحين العجمان مقابل
بعض الأمور
مثلاً وضع سكرتير حربي لدى كل نائب عجمي
+
عدد معين من ابنائهم يتم التوسط لهم سواء بقبول
ضباط الداخليه او الدفاع
+
تسهيل امور اي حالة تستوجب العلاج بالخارج من قبل نوابنا
+
امور كثيره نستفيد منها

وعلى قولتهم لايخدم بخيل
حنا نصوت لأنهم ابناء عمنا
لكن الناس اللي ماتعرفهم
يبي شي لهم من اجل التصويت لصالحنا
وحنا بحاجه لكل صوت من أجل الوصول كاملين العدد ان شاءالله
ونضمن المقاعد الأربعه
هذا مجرد بعض المقترحات واتمنى
نشوف ارائكم واطروحاتكم
وهذا مجرد رأي قلته
بعد دخول مرشحين اثنين عجمان غير مرشحينا اللي اخرجناهم لتمثيلنا

[عجمي وربي الله]

عين العقل
هناك الكثير ليس الحروب فقط

[عامر ال مصارع]

^^

انا حطيت حرب كمثال
لكن لازم الاتفاق يكون مع اشخاص نضمنهم
ويكون ألتزامهم كبير ..

[الجلمود]

والله كلام طيب وياليت يسونها ربعنا

[ناصر بن فالح]

من اجل تدعيم موقفنا ايضاَ

كل رجال استحاله مايكون معه احد في الدوام كاسبه بمعروف او قصير

ويكون هالشخص ماله قائمه يدعمها يعني عنده اصوات فارغه

يعني لو كل رجال ماراح اقوك قدر يجيب خمسه سته اصوات بقولك لو كل رجال قدر يجيب صوتين راح تتضاعف قوتنا

يعني كل واحد عليه واجب قصيره خوياه في الدوام ..!!

[Njm]

النجاح مضمون بالتزام العجمان

يعني انفع ربعك العجمان واعدل بينهم


صدقني ما راح يحتاج لا حربي ولا غيره

رقمنا فيه خير وبركه

ولو ينزلو سته مو اربعه ويحضرونم العجمان وينسقون عدل ينجحون صدقني

[ماكل الجو]

كلام حلو بس مو الحروب على الاقليات بعد

[عامر ال مصارع]

المسأله مو انفع العجمان
حالياً في نائب سابق من المرشحين مانفع ناس وانا منهم
يعني ما اصوت له ؟؟
طبعاً هالكلام مرفوض لآن هو حنا طلعنا من الفرعي ووصلنا لازم نوصله
للأمه والمجلس !

فكلامي موجه للأقليات مو فقط حرب ...


واتمنى الكل يصب الاصوات على مرشحينا الأربعه ..

[ناصـر محمد المجروب]

ابشرك ياعامر

اللجنه عندها خبر و وعامله حسابها

عندك الخوالد والحروب والفضول وغيرهم تشتغل عليهم

الامور طيبه ان شاء الله واللجنه تشتغل والله يعطيهم العافيه

[فلاح بن ملبز]

بيض الله وجهك عامر

ولاهنت