السلام عليكم ورحمة الله وبركاته
المهم انتم وشلووونكم .. عساكم بخير
ندخل في موضوعنا.....
الصالفه ومافيها اني كنت مصافر لجده مع لوحي العزيز راكان طبعا هالكلام عقب ماحطوو بحر في بجده... <<<<<<<< لا ياشيخ
المهم وصلنا لجده بالليل والوقت كانت متأخر يعني الشارع مافيه ولا كمخه يمشي
وحنا عاد انا ولوحي العزيز راكان ندور شقه والا عزبه والا عشه المهم نبي ننام بأي حته من الحتات .
عاد تعبنا وحنا ندور وجانا النوم انا صار فيني نوم كثيرات ماعاد اشوف الدرب
قلت لراكان وش رايك اليوم تصير النومه على البحر؟
هو سكت وجلس ساكت تقريبا خمس دقايق طبعا هو موب جالس يفكر لا بس مابعد استوعب اللي قلته له انا .
المهم بعد الخمس دقايق يعني بعد مالقم وفهم اللي قلته له قال والله فكرتن ليست بشينه.
والله ونطس عند البحر .. ويوم وصلنا البحر وننزل من السياره وكل واحد يفرش فراشه وينسدح تأهبا للنوم..
يوم انسدحنا صرنا نناظر النجوم. قلت انا لراكان صدق اللي يقولون ؟
قال وش يقولون ؟ قلت انهم يقولون اللي يعد النجوم يطلع له ثالول.
راكان كعادته لوح واكبر دلخ بالشرق الاوسط قال طيب واللي يعدها وهو مغمض وش يصير له..؟
ناظرته انا بنص عين ورجفته مع برطمه قلت الشرهه على اللي يسألك.
هو الظاهر انه بعد الرجفه داخ وقرر ينام..
انا طار النوم من عيني ..
تذكرت ماضي الحب ... وشعفه الله يذكرها بالخير يوم كنا نلاحق الدجاج حق جدها مسفر.. .
وانا اللي تنهمر دموعي واجلس ارغي واصيح بكل ماتعنيه الكلمه.
ويقحص راكان قال وش فيك ليه تصيح؟
قلت له تذكرت شعفه وحن قلبي للأيام الخوالي<< حن حشى دتسن موب قلب
قال راكان نم انت وضرووسك قصم بالله ماجابت خبرك تلقاها الحين مبسووطه مع خويها الجديد راعي اللكزس وانت تطامر بدتسنك موديل الف وتسع ميه وحطبه
انا تحطمت لبرهه من الزمن من كلام راكان
والله ويرتفع ضغطي على راكان.. واطالع خشته وهو نايم والبراطم مرتزه والسعابيل تقاطر .. واقول في نفسي وانا اعايد الناس خخخخ واقول في نفسي قصم اني لااخليك تندم على كلامك هذا
ياراكان
والله واقحص من مكاني .. واروح اجيب قطعة قماش من الدتسن واحطها عند رجل راكان واجيب (لي) <<<< اخو الحبل بس موصل للماء
وآخذ اللي واحطه حول رجل راكان ... واجي عند اذنه واناديه بهدوء يوم فتح عيونه... قلت راكان شف ابيك تستسلم للأمر الواقع ترى عند رجلك حيه بس لاتتحرك علشان ماتقرصك ... قال هو انا والله مانمت لأني حاس فيها من يوم حطيت راسي<<<<<<<<< مايعرف ينصب ابو براطم سعابيله تقاطر ويقول مانمت
قلت له المهم انت لاتتحرك .. قال يعني مااتحرك ابد الى متى .. قلت لين تقرصك وتموت انت .. والا لين تروح ونذبحها وتموت هي .. قال طيب .
والله وانا جالس انتظر راكان واقعد اسولف انا وياه واذكره بأيامنا .. وهو يرغي المسكين من الخوف .. قال ياليامي بقوولك شي قبل اموت ابيك تسامحني..
قلت قل وش عندك .. قال ترى شعفه انا اللي اخذتها منك وانا راعي اللكزس وابيك تسامحني..
هو قال هالكلام والا ماقال
وانا اللي آخذ ( اللي ) <<<<<سبق التعريف فيه فوق
وامسطه مع كل جهه بجسمه
واكفخه
واكفخه
واكفخه
واكفخه
ويوم بردت حرتي واحمل فراشي بالدتسن واركب موتري وامشي طبعا برجع للشرقيه ..... وراكان بنفس المكان عند البحر اللي يشوفه من بعيد يقول وش هالعامود المنسدح وهو راكان مغمى عليه من الضرب وطايح على برطمه...
المهم وانا بطريقي راجع للشرقيه ..... حصل اللي ماكنت متوقعه ابد
طرررررررررررررررررررررررررن طررررررررررررررررررن طرررررررررررن <<<<<<< جوالي يدق .. وارد على الجوال
انا: الوه هلا من معي .
المتصل: معك خفر السواحل.
عاد انا فهيت شوي خفر السواحل شي جديد علي مااذكر اني سمعته والا شميت ريحته والا ذقت طعمه.
المهم ونكمل المكالمه...
انا: ايه طيب من تبي؟
المتصل: انت اليامي؟
انا:ايه معك اليامي بس من انت؟
المتصل: انت تاكل حبوب منع الفهم؟ اقولك معك خفر السواحل.
انا:ايه صح طيب وش بغيت؟
المتصل:نبيك تراجعنا بكره الصباح ان شاء الله.
انا: وين اراجعكم.
المتصل: بمكتبنا بالمكان الفلاني الشارع الفلاني.
انا: ايه بس انا الحين بالطريق راجع للشرقيه ومااقدر ارجع صعبه خلها وقت ثاني ان شاء الله اوعدك اني اجيكم. <<<<<<<<< على نياته
المتصل: تستهبل انت وخشتك؟ اقولك اذا بكره الصباح ماجيت ترى بنتصرف ونجرك مع اذنك وانت ماتشوف الدرب ورجلك فوق رقبتك.
انا: سم ابشر خلاص الحين اقرب اشاره اسوي يو تيرن معها واجيك (يو تيرن=اديور يعني)
طووووووووووط طووووووووووووط طططططططططوط <<<< انتهت المكالمه
والله ويوم جاء من بكره الصبح واروح لخفر السواحل وحولوني على الشرطه وانا الى الحين مدري وش السالفه..
ودخلت على مديرهم مدري وش تسمى رتبته المهم انه اقدع واحد فيهم ...
وجلست .. واطالعه ويطالعني واطالعه ويطالعني
واطالعه ويطالعني واطالعه ويطالعني ....
قلت له سم وش بغيتو انتم مناديني
هو: يعني تسوي نفسك بريء وماتدري؟
انا: ايه انا والله مدري كنت ماسك طريقي راجع للشرقه ماشي 100 ويوم دق الجوال عاد انا شفت الرقم غريب متردد ارد والا لا والله وارد ويصير خويكم خفر السواحل وقالو انهم يبوني قلت طيب وجيتهم وحولوني عليك عاد.
هو: انا بوريك صورة شخص وابيك تقول اذا تعرفه والا لا.
والله ويوريني صورة راكان لوحي العزيز والله واتذكر على اللي سويته فيه وتخنقني العبره وانا اللي امس ايدينها واقول اتركيني وهي خانقتني .. ويوم طالعت في ضروسه جلست اضحك ....
هو: اكيد تعرف صاحب الصوره؟
انا: ايه اكيد هذا راكان رفيق دربي .
هو: يعني معترف انك انت اللي قتلته .
وقتها تلخبطت عندي المشاعر مدري هو انا اصيح على موتت راكان والا على ورطتي .....
انا : ها ؟ وشو ؟ من جدك ؟ راكان مات؟
هو: وتسوي نفسك ماتدري هااااااااا ؟
انا: وشو قصم بالله ماادري ؟
هو: راكان لقيناه ميت على الشاطي وبعد ماكشفنا البصمات عرفنا انك انت لك علاقه بالموضوع.<<< يلعن ام البصمات الي كذا
انا: والله موب قصدي اموته كنت امزح انا وياه ومدري شلون ضربته بقوه .
هو: هالكلام تقوله لحبل المشنقه.
عاد انا اتلمس رقبتي واصيح <<<<<<< متأثر بالافلام المصريه
هو: يافلان تعال خذ اليامي وحطه بالتوقيف لين يتنفذ فيه حكم الاعدام.
انا: يارجال لاتتعب احد انا بروح وبحط رقبتي على حبل المشنقه وماعليكم الا انكم بس ترفعون الحبل وكل شي ينتهي والا كانه يكلف عليكم خلوه علي بعد ترى ماامانع ..
هو: عض على شحمه وامش مع فلان لين يتنفذ فيك الاعدام .
انا: انا من يوم شفتك وانا عاضن على حاشي كامل موب شحمه .
والله ويحطوني بالتوقيف على انهم بيعدموني خلاص ...
ويمر اسبوع وانا على هالحال بالتوقيف ...
ويجي ذاك اليوم بالليل قال عندك زياره..
استغربت انا مااحد من اهلي يدري اني بالتوقيف .. لأنهم يبون الفكه وماصدقو على الله يفتكون من خشتي (والله اني حبيب ومن البيت للمسجد واذا جاء آخر الليل رحت لمقهى اناظر قناة الجزيره ) .......
والله واقوم من مكاني بشوف منهو الزائر ...
مامداني قمت الا راكان ( الله يرحمه ) بوجهي ....
طارت عيوني وش السالفه راكان انت حي؟ عاد راكانماصل قال لا انا حاره ..
انا: شلون يقولون انك ميت واني انا اللي ذبحتك .
راكان : وش ميته انت وخشتك واي ذبح اللي تتكلم عنه ؟
انا: اجل ليه انا هنا دام اني ماذبحتك ؟
راكان : نسيت انك قلعت نخلة ابو سليمان بدتسنك ورفض يتنازل الا اذا دفعت قيمة النخله .
انا: يووووووووووووووووووووووووه اجل انا كنت بحلم
راكان : لا انت كنت بالتوقيف
انا : طيب خلاص
اهـ
اخوي راكان اتمنى ماتزعل مني لكن محد راح يتحملني غيرك
طــحــيــاطـي
الــــــــــــيـــــــــــامـــــــــي
اتمنى ان تحوز على رضاكم
27-06-2004, 05:14 AM
~*¤ô§ô¤*~ انا ولوحي العزيز راكان~*¤ô§ô¤*~
العرض العادي
