قرأت هذه القصيده واثرت فيني من ماتحمله من معاني جدا حساسه وجارحه
في نفس الوقت صاحب القصيده غير معروف ولكن حسب ماور د
في القصيده من دلالات تدل على ان صاحب القصيده عتيبي من قبيلة عتيبه
العريقه لكونه ورد فيها اسم الهيظل والهيضل من شيوخ عتيبه
لذا نقلت لكم هذه القصيده على امل ان تحوز على اعجابكم
الله وأمر بالوصل من بين الاقـراب
وحنـا بوقـت زايـدن بالقطيـعـه
وانا من الي شفت بالحيل منصـاب
وضاقت علي الارض لوهي وسيعه
يابوي انا من صدتك عارضي شاب
وحطيت في كبدي جـروح شنيعـه
ماغير اهوجس مثل منهار الاعصاب
انشهـد ان صدتـك عنـي وجيعـه
ولالقيـت لهـا تفاسيـر واسبـاب
و معاتبتك محرمه فـي ا لشريعـه
شفت المهونه من شبـاب وشيـاب
وانا على الحقـران نفسـي رفيعـه
لا نيب سربـوت ولا نيـب كـذاب
ولالي مع الانـذال شريـه وبيعـه
يابوي أفك البـاب وتسكـر البـاب
وخصيتني يابوي فـي ذا الطبيعـه
حتى أصغر الاخوان كشر لي الناب
مـا كنـي إلا بـا يقلـي و ديعـه
ولاحدن خذالي شورفي كل لانساب
يالله دخيلـك مـن حيـاة الهزيعـه
ويوم النزايل يايبه صرتوا احـزاب
احدن نصى الهيظل وا حد بالبديعـه
ترا المعونه جات من رب الاربـاب
لحـدن يحسبنـي برجـوا صنيعـه
لكن ابي جمع القرايـب والاحبـاب
قـدام كلـن يغلـق المـوت ريعـه
صاروا أخواني عندورعاني أغراب
شيّ يولـع فـي ضميـري وليعـه
ليسألوني غـرق الدمـع الاهـداب
يالله عسـى مـن لامنـي للفجيعـه
يونس على كبده مثل عظـة الـداب
وارحم عياله لاوامـر مـا يطيعـه
يابوي طيرك له جنـاح ومخـلاب
يحط فـي ربـد الحبـاري فنيعـه
ماهو بحق انـك تحطـه بسـرداب
و تحمله من فـوق مـا يستطيعـه
حطه على يمناك وتشوف الاعجاب
وأفخر بطلعاته مع اهـل الطليعـه
30-06-2008, 02:28 AM
قطيعه بين اب وأبنه
العرض المتطور
