ما أحلا هالكلام ......أنا أشهد انه كله حكم نادرة
الشــاعر الشريف بـركـــــــات ينصح ابنه مــــــــالك
يالله يليّ كل الأُومات ترجيك ***** يا واحد ما خاب حيّا ترجاك
يارب عبد(ن) مامشى في معاصيك ***** ولايمشي إلا في محبتك وأرضاك
يا مرقب(ن) بالصبح ظليت باديك ***** ما واحد(ن) قبلي خبرته تعلاك
وليت ياذا الدهر ماكثر بلاويك ***** الله يزودنا السلامة من اتلاك
ياللي على العربان عمت شكاويك ***** وليت يا دهر الخطا ول مقواك
واليوم هالكانون غاد(ن) شبابيك ***** تلعب به الارياح من كل شباك
يا مالك اسمع جابتي يوم اوصيك ***** وأعرف ترى يابوك بآمرك وانهاك
وصية(ن) من والد طامع فيك ***** تسبق على الساقه لسانه لعلياك
أوصيك بالتقوى عسى الله يهديك ***** لها وتدركها بتوفيق مولاك
أحفظ دبشك اللي عن الناس مغنيك ***** اللي إلى بأن الخلل فيك يرفاك
إجعل دروب المرجله من مع******** ***** وأدراج سيسها على العز مرقاك
لا تنسدح عنها وتبغاني اعطيك ***** جميع ما يكفيك ما حاصل(ن) ذاك
أحذر أمر ليعات تبيها لتاليك ***** أيضا وترخص عنها قدر ماواك
أدب ولدك إن كان تبغيه يشفيك ***** وأستسعفه من بعد مرضاه بالاك
أما سمج واستسمجك عند ش******** ***** ويفر من فعله صديقك وشرواك
والا بعد جهله ترا هو بياذيك ***** لو زعلت أمة لا تخليه يا لاك
إحذر تضيع كل من هو ذخر فيك ***** معروفه لا تنساه واوفه لعرفاك
ترى الصنايع بين الاجواد تشريك ***** إليا طمعت بركزها لا تعداك
وأوف الرجال حقوقها قبل تعنيك ***** لا تعتمد بالعفوّ فالحق يقفاك
وهرج النميمة والقفا لا يجي فيك ***** وأياك عرض الغافل أياي وأياك
تبدي حديث الناس وفيه تشكيك ***** وتهيم عند الناس بالكذب واشراك
وإذا نويت إحذر تعلم بطاريك ***** كم واحد تبغي به العرف وأغواك
وأحذر شماتت صاحب(ن) لك مصافيك ***** وليا جرالك جاري قلت لو لاك
ولا تحسب أن الله قطوع يخليك ***** ولا تفرح إن الله على الخلق بداك
أن اشتهى حط الطمع في تواليك ***** لوّ مالقيته يافتى الجود يلقاك
والضيف قدم له هلا حين يلفيك ***** من ما تنوشه يافتى الجود يمناك
أكرم قبالِ فنها من شواديك ***** وأبذل لها المجهود مدام يعناك
إحذر تلقي الضيف مقرن علابيك ***** خليه محب(ن) لك صديق اذا جاك
ووصيك زلات الصديق أن عثا فيك ***** مازال يغطاها الشعر فاحتمل ذاك
راعه ولو ما شفت إنه يراعيك ***** عساك تكسر نيته عن معاداك
لا تامنه واطلب من الله ينجيك ***** ويكفيك ربك شر ذو لا وذولاك
شفني أنا يا بوك بآمرك وانهيك ***** عن التعرض بين الاثنين حذراك
إذا حضرت اطلابة(ن) مع شرابيك ***** اسع لهم بالصلح واللاش يفداك
ابذل لهم بالطيب ربك ينجيك ***** ولا تجضع الميزان مع ذا ولا ذاك
أما الشهاده فادها إن دعوا فيك ***** بين عمود الدين لا عميت أرياك
بالك تماشي واحد(ن) لك يرديك ***** طالع بني جنسك وفكر بممشاك
رابع أصيل(ن) في زمانك يشاكيك ***** ليا شاف خملاتك عن الناس غطاك
واحذرك عن طرد المقفي حذاريك ***** عليك بالمقبل وخل اللي تعداك
ثم إلعن الشيطان لياه يغويك ***** ترى أن تبعته لشرابيك وداك
أوصيك لا تشكي علينا بلاويك ***** انت السبب طرفك عيونك بيمناك
وإعرف ترى اللي قد وطا الخلق واطيك ***** ولا أنته أعز من الجماعة هذولاك
ألمسك يا راسي عن الذل وأخطيك ***** وأحذر تكلم يالساني وحذراك
وألطف بجارك ثم قم دون ع******** ***** وافطن لما يعنيك عن ربعة اخواك
ياذيب وإن جتك الغنم في مفاليك ***** فاكمن الى حيث الرعايا تعداك
من أولن ياذيب تفرس بإياديك ***** واليوم جا ذيب(ن) على الفرس عداك
ياذيب عاهدني واعاهدك مارميك ***** مارميك أنا ياذيب لو زان مرماك
والنفس خالف رايها قبل ترميك ***** ترى لها الشيطان يرمي بالأدراك
ومن بعد ذا لا تصحب النذل يعديك ***** عن صحبة الانذال حشاك حشاك
ترا العشير النذل يخلف طواريك ***** وأنا أرجي انك ماتجي دون آبـاك
والهقوة أنك ما تجي دون أهاليك ***** ولا ذكر عود الورد يثمر بتمباك
والحر مثلك يستحي يصحب الديك ***** وإن صاحبه عاعا مععات الادياك
لا تستمع قول الطرف يوم يلفيك ***** بالكذب يقضي حاجته كل ماجاك
من نم لك نم بك لا فيه تشكيك ***** وألاه قد أزرى رفيقك وازراك
عندك حكا فينا وعندي حكا فيك ***** وأصبحت كارهنا وحنا كرهناك
ما خطاك ما صابك ولو كان راميك ***** واللي يصيبك لو تتقيت مخطاك
مير استمع مني عسى الله يهديك ***** ألنصح يا مالك لك الله مولاك
عندي مظنه ما تمثلتها فيك ***** واطلب لك التوفيق من عند مولاك
[
23-06-2004, 02:12 PM
العرض المتطور
