المجموعه الثالثه من الصـور ... /

[محمد بن سعود]

أقدم لكم /

المجموعه الثالثه من الصور / ..

و بالتـووفيـق للجميـع
المجموعه الثانيه من الصور / وتعليق الشعراء

[محمد بن سعود]

[مبارك بن مجروب]

لاهنت يامحمد ع الاختيار الحلو ,,,

وانا اخترت الصوره الاولى والثانيه وعسى الله يوفقنا ويوفق جميع الشعراء ..

وهذي الابيات للصوره الاولى وكتبتها على عجاله ,, يعني سامحوني ع القصور

دام اتصالك راح ,, واحساسنا راح=خل ( ال : آلو) ,, كافي ترى الصوت مبحوح
اتقول حبي جرح ,, واشواقي ارماح=واقول صدك صد وجروحك جروح
ماطاح راس انسان يغليك ,, بس طاح=قلبن يحبك جد ,, هايم ومذبوح
تدري وش الي زوّد اجراحي اجراح ؟؟=انك اذا بتروح ,, روحي تبي اتروح

.........................

وهذي الابيات للصوره الثانيه :

اتقول برجع ؟ وانت للحين ماجيت=وانا على بابك بعد رحت ,, حآآرس
اناظر الاطلال ,, واقبّل البيت=واسأل عليك الناس ,, والكل خآآرس
حبك توفى ,, والبقى للتناهيت=يا الي فعلم الحب ماكنت دآآرس
اتقول برجع ؟؟ مو عشاني اذا جيت!!=شكلك تبي ترجع عشان المدارس!!

وسلامتكم ,,,

[محمد العزام]

السلام عليكم مسيكم بالخير جميع و صح لسانك يا ابن مجروب
و الله يوفق الجميع مشاركتي الاولى الصورة الاخيره

بسم الله

نصيحتن لك لا تحسب الناس مثلك بالدروب=ما كل نفسن تنكسر لاجلك عشان تودًها
بأحساسك الميت كسبت بقلبي ذنوب و ذنوب=يشيب راسي لو ذنوبك بالهوى بعدًها
لكن توكل و الاماني حالها حال الغروب=شمس الغلا ما ظن عذرك يا الغلا بيردًها

و الثانيه فالطريق انشالله

[محمد العزام]

هاذي هي جاتكم الثانيه و انشالله انها اتجوزلكم اخترت الصوره الرابعه

بسم الله

ان جيت في مجلس به الطيب ينساق=اشوم نفسي عن علوم الجهاله
و من المعزًه لي من الطبع ما لاق=في قدرهم اهل الوفا و الشكاله
و لا ابًين اني لاريش العين مشتاق=و ان حالتي من عقب فرقاه حااله
اتذكره و الدمع بالعين برٍاق=يومه يقهويني من ازين دلاله

و سلامتكم...

[@ فــهــد @]

لا هنت يا بو سعود لمرة ثالثه عالمجهود الطيب في انتقاء الصور الاكثر من رائعه

وهذا ردي على اللي اخترته

استلم طال عمرك

يا وجودي كل ما شارت علي سهوم بقعه=وجد من جاه إتصالٍ ضيّق الدنيا عليه
بلغّوه بموت اخيه وصار قلبه فيه وجعه=وجعة الوحده ويتمه من بعد امه وابيه
هدّ مابيده عساه يفضفض احزانه لدمعه=من بقاله في حياته من بعد ماراح اخيه

يا محلا فنجال مظبوط ودلة بنّ=والبنّ يكفي خاطري منك يالشّاهي
ويا محلا لقيا هل المدح واهل الفنّ=والضوّ تدفي جوفنا وفكرنا ساهي

وسلامتكم

[سعد بن سريّع]

يا ( باب ) خلك نسى العشره ، جفاك وراح يا ( باب ) = وانا ادري انك على رغم الجفا ، مثلي تحبــّه
كــذاب من قال حبــّه راح . . سافر معه /كـــذاب = ما شافني ويــّاك ننطر رجعتــه ، بــالله ربــّه؟!!

[@ فــهــد @]

اليوم الأربعاء.... الشعار وينهم يابو سعود

[محمد بن سعود]

علمي علمك يالظامي

لكن باقي يومين /..

[الوضحه]

هذي الاولى والثانيه بتلحقها باذن الله..

مديت فنجال حبي لـك و قلـت اقـدع=اقدع و سم و حـذاري تهـز فنجالـك
و ارجوك لا مر طاري الهجر ان تردع=اياي و اياك لا يطـري علـى بالـك